Kurdî wayîrê dawa Şêx Seîdî vejîyenê
Kongreya Civaka Demokratîk (KCD) bi minasebeta serragêra aliqnayîşê Şêx Seîd û merdişê Orhan Doganî de îzahatekê nuştekî da. Îzahatî de KCD Şêx Seîd, embazê ci û sîyasetmedarê kurd Orhan Doganî vîrard.
KCD vist vîrî ke dewleta tirk no seserro ke seba ke şarê kurd, şaranê Kurdistan û Tirkîya mîyanê qirkerdişî de ravêrnê kerdenê teberê mordemî ferz kena. KCD vist vîrî ke 15’ê Sibata 1925’î de vera rayverê Kurd Şêx Seîd Efendî komployekê virazîya û wina va: “Bi no komployî ra pîya vera şarê kurd zî qirkerdişeke wehşî virazîya. No qirkerdişo ke bi Şêx Seîdî destpê kerd, Agirî, Dêrsim, Zîlan, Koçgirî, Çorum, Mereş, Gazî, Roboskê ûsb. heta roja ewro dewam kerd. Zihnîyeto faşîzan ke Şêx Seîd û embazanê ci şehît vist, ewro zî hetê dîktatorê faşîst Erdogan-Bahçelî ra yeno ramiten.”
Kurdan rê qirkerdiş ferz kenê
KCD hayr ant ser zihnîyetê Erdogan-Bahçelî ser û wina va: "Dîktatorîya faşîst ê Erdogan û Bahçeli, bi çeteyê vera Şoreşê Rojawa vetî werte komkiştenan ra fek veranêdanê. Nê 2 serranê peynî de sûkanê zey Sûr, Nisêbîn, Farqîn, Şirnex, Silopî, Cizîr ê Bakûrê Kurdistanî de komkişten viraştî û welişnay. Nika zî bin nameyê “vurîyayîşê şaristankî” de sûkanê ma bêmordem ternenê û wêran kenê. Bi îtifaqa faşîst ê AKP-MHP 85 şaredarî amey dagirkerdiş û xespkerdiş, bi deshezaran sîyasetmedarê kurd, rojnameger, akademisyenî amey tepiştiş. Peykerê erjayeyanê şarê Kurd amey rijnayiş. Her roj kurdan qirkerdişî ra vîyarnenê.”
Ma yewîya xo virazê
KCD vera qirkerdişê Kurdan ke bi şehîtvistişê Şêx Seîdî ame destpêkerdiş û roja ewroyî de zî rameno, veng da pêrokîn partî, sazî û dezgehanê Kurdistan ke yewîya xo virazê. KCD waşt ke desinde mezelê Şêx Seîd, Seyîd Riza û pêro şehîdanê Kurdistan teslîmê keyeyanê ci bîrê kerden û şexs dê îdamkerdişê Şêx Seîdî de qirkerdişo ke ferzê kurdan beno lanet kerd. KCD serragêra wefata ci de sîyasetmedarê kurd Orhan Doganî û pêro têkoşerê azadîye zî vîrard.
KCD tewr peynî de va, “Ma no bawerî de yê ke şarê Kurd bi viraştişê Kongreya Neteweyî do wayîrê dawa û mîrasê Şêx Seîdî bivejyo.”
NAVENDÊ XEBERAN
