Îdareyê Cemxaneyê Gazî ra Selda Guneşe zî derheqê referandûmî de qisey kerde û vînayîşê xo arde ziwan. Guneşe qiseykerdişê xo de va ’95 serrî yo ke ma elewîyan ra vanî ‘sey ma bibê’. Bi serran o derheqê elewîyan de tayê xebatî yenî viraştiş, labelê ti xebate de estena elewîyan çin a. Mefhûmê ke îqtîdar dîyar kerdî, mefhûmê raşt nîyî. AKP elewîtî û qizilbaşî goreyê xo şîrove keno. ”
Ma heme do vajî 'Nê'
Guneşe dewamê qiseykerdişê xo de va ‘ma do sîstemê yew merdimî rê vajî nê’ û wina dewam kerd: “Ma xo dişmenîya Erdoganî ser ro şinase nêkenî û şexsî ser ro çîyêk nêvanî. Kamcîn îdeolojî beno wa bibo, ma vera sîstemo tekperest de têkoşîn danî. Çîyo ke yew ziwan, reng û bawerî ser ro bêro awankerdiş, înkarê Heqî yo. Ma destûr nêdanî ke îqtîdarê merdimî bikewo vernîya heqî; cok ra ma do vajî nê.”
STENBOL