Dewleta Tirkan a mêtinger, serrê 90î de sînorê ke bandorker bî de bi nameyê projeyê bedilnayişê bajarî dest bi rijnayişê bajaran kerd. Armancê nê projeyan kultir û cayê ke dijî projeyê netewa homojenî (nijadperestî) wazenê bihelênî. Rejîmo faşist, nê projeyê rijnayişî seba temamkerdişê qirkerdişê kurd wazeno biko. Hukimata AKPî zî rijnayişê bajaran kerd bi sîstem. Bajarê xorayîrberdişî bi tanqan rijnayê Lekolin.orgî ra goreyê nuşteyê Firaz Garzanî, demo ke AKP îqtîdarî ra ame, Kurdistanê Vakûrî de binê nameyê bedilnayişê bajarî, bajarê qadîm ê kurdan yew bi yew rijna û cayê ci zî TOKÎyan viraştê. Serra 2015î xoverdayişê xorayîrberdişî de Sur, Cizîr, Silopî, Kerboran, Farqîn, Gever, Nisêbîn, Şirnex, Hezex û Gimgim ameyê hedefgirewtiş, nê bajaran bi tanq û topan ameyê rijnayiş. Peynî zî dest pê viraştişê TOKÎyan kerdê. Vateyê mîmarî sistgirewtiş de armanc zerrîya şarî vateyî çinkerdiş bî, çimkî goreyê şarî awanî zerrîya a de cuyena. Armancê ronîyayişê TCî zî kurdan tarîxê xo ra fekberdiş o, hîşyarîya tarîxî çewtnîşandayiş o. Şefîya nê projeyê zî Kurdistanê Vakûrî de Tayyîp Erdogan kena. Tedbîrê cidî avzel ê Taybetî bajaran de taxê ke goreyê înan varoşî yenî hedefgirewtiş, serrê 90î de kurdan bi şero qirej dayê koçkerdiş, kurdan zî goreyê nê taxê ke varoşî de bi kultir û pawitişê ziwanê xo destpê cuya kerdê, kurdan de hemşîrî û merdimeyî aver şîyo bi nê ferasetan zî kultir û ziwanê xo hetanî nika pawitê. Sîstemo faşîst zî wazeno nê di ferasetê hemşîrî û merdimeyî bi rijnayişê bajaran destê kurdan bigo çimkî encax eşkeno bi no rayîrî kurdan asîmîle biko. No ser zî ganîya ke vera nê projeyê qirej de tedbîrê cidî bêrî girewtiş û zorî nê projeyan bêrî berdiş. MERKEZÊ XEBERAN