Sînorê Kobanê de çalakîya tirsê ganî ke vera tehdîtê dagîrkerîya dewleta Tirkî de ameyî destpêkerdene, roja hewtine de dewam kena. Çalakîya ke dewa Qeremoxî de yena viraştene de xeylê kesî cayê xo gênî. Çalakîya dewa Zîyaretî zî roja pancine de dewam kena.
Her roje bi seyan kesê merkez û dewanê Kobanê ra şonî cayê çalakîyan û destek danî çalakîyan. Çalakgêrê ke sînorî ser o bedenê xo reyde tirsî awan kerdî, dîyar kenî ke ê do destûr nêdî dagîrkerîye. Îdarekarê Meclîsê qezaya Sirînî Îbrahîm Mihemedo ke çalakîya dewa Zîyaretî de cayê xo girewt, wina va: “Şar çar parçeyan bi hawayo yewbîyaye vera dagîrkerîya dewleta Tirkî de yo û do heta hilma xo ya peyêne xover bido.”
ANHA / KOBANÊ