Perwerde ke yew aşme dewamkerd, xeylê wendekarî çar/çehêr per Ewrupa ra ameye û tewr bîyê. Perwerde pê diroke/tarîx çapemenîya azad yê kurd dest kerd ci û têkîlî/peywendîye, xeber, medya û cinî, rojnamegerî, TV, radyo, fotograf, kamera, internet û montaj devam kerd. Kurdistan, Tirkiye û Ewrupa ra xeylê mamostê ameyê ders da. Mîyan înan de emegdarê çapemenîya azad yê kurd sey Ferda Çetîn, Huseyîn Aykol, Gonul Kaya, Mehmet Çiftçî, Suna Tunç, Nurdogan Aydogan, Nîlay Egelî û Amed Dicle bibî.
Gêncan rê rayîrê karî abîyê
Armance ye perwerde o bi ke, seba çapemenîya alternaif rojnemevanê newe bivejîyê û kêna û xortê ke Ewrupa de yê, înan wayîr/wahar yew/yo kar bikerî. Wendekarê ke tewr na perwerde bîyê, sazgehanê kurdan yê Ewrupa de do xebat bikerênê. Perwerde ke emserr hewe ewwîl/verêyîn bi, êra/ewro ra tepîya zî virazîyeno.
Renga lehçeyên kûrdî
Zewbîna perwerde de, kurse ziwanê/zûn zî ame dîyayîş. Lehçeya kirdkî/dimilkî û kurmancî ca girot/girewt. Enstîtuya kurd ra mamoste Omer û Avesta Aydin ameyê dersa kurmancî da. Kirdkî/Dimilkî de zî rojnemevan Zana Azadî da.
Çapemenî de cinî
Rojnamevan Gonul Kaya, azadiya dîroke/tarîx cinîyan ser qal kerd û cinîyan hetanî ewro senî çapemenîya azad da ca girewtî, bal ante ser no mewzûye.
Ronahî TV ra Suna Tunç zî derse medya û cinî da. Tunç cinsîyetçiya medya ser vindet.
Wendekaran ra Mizgîn Marangoz ona wa:
”Mi na yew menge de utiya de no fehm kerd ke çapemenî alternatîf çend muhîm o. Çapemenî kûrd tîm û tim rastey ser vîndeni. Eke çapemenî alternatif çinyebînê, ma çep û çûr re çapemenîye sistem ra inan kerdi yen. Ez ney zi eşena vaja kî, itya de kursa zûnî/ziwanê qênde ma eyek Ewrupa de bîyê bi pîl zaf muhîm o. Mi ney wexte de mîyan de ferq kerd kî, dimlîkî zaf muhîm o. Gereka tena dimlîkî qîsey kerdiş nêmano, êyni wexte de gramer zî bimusîme û benisyû. Ez ney eşena vaja kî, ziwan/zûn ne mardama doletî ya maya en pîla. Ê ke ma rê na çapemenî kerdî hedre, homa inan ra razîbo”.
Aktîvîsta Cinî Gonul Kaya:
”Sazgehanê çapemenîya azad yê kurdê Ewrupa wahar tecrubeyêk pîlê, linge akademi no tecrube semed nesil ameyene kene munaye. Gencê ke Ewrupa de ciwîyenê, tewrbîyayîşê înan zaf muhîmo. Perwerde çapemenî de hem yew kar museno, hem zi sazgehanê xwe de xebityeno. Wendekarê ke tewr perwerde bîyê, eke ê qerarin no kar ser vîndî eşkene hol bimusenê û bixebitênê”.
Rojnamevan Nurdogan Aydoğan derheqê perwerde de hina va:
"Hetûn êr mi xebatê çapemenî de ca guret, la ez zûna perwerde dayîş yonakêdo û mi tidareke xu nikerdibi ayro ez binê qaygilibîya. Yew zî , mi vatêne, gencê ke Ewropa de bîyê pîl, çapamenî ra bêeleqeyê û kulture umûmî nê benêna penîdo.Ûca ê ke perwerde vînenî pawitişê kulturê ma ra zaf çîyê rindo. Performansê înan de mi na rastî dî.Ê ûnbaze ke hay ûcade bîyê di bingehe babetan de hadre bîyê. Verênê de gereka mîyan pratik û xebat de ca bîger û xu biresinî.
Ez fikirîyena ke na babet de problem necuyenî. Ê dîyin gereka kulturê umûmî/pêroyî de xu xurt bikerenê.No zî pê tim û tim wendiş beno. Na babet de ço gereka zerre yo gerayîş de bibênê. Eke na gerayîş bibo, verênîyê serkewtina înan de, ez yo astengî nêvînena."