Vera hêrişê dagîrkerîye yê artêşa Tirk û çeteyanê ci ke bi tanq, top û teyarayan hêrişê Vakur û Rojhelatê Sûrîye keno de çalakîyê protestoyî dewam kenî. Sere de welatanê Ewropa de, Rojawan, Başûr û Rojhelatê Kurdîstanî de çalakîyê protestoyî dewam kenî.
Çalakgêrî welatanê sey Swîsre, Îtalya, Kibris, Hollanda, Almanya, Avusturya, Avustralya, Fransa, Swêd, Danîmarka, Yewnanîstan û sewbîna xeylê welatanê bînan de vejîyayî raşteyan û hêrişê artêşa Tirkî yê dagîrkere şermizar kerdî. Çalakgêran dewletanê mîyanneteweyîyan û dezgehanê merdimîye ra waşt ke wa hêrişan bivindarnî.
Heto bîn de ciwananê Kampa Mexmûrî zî vera hêrişanê artêşa Tirkî de çalakîyêk viraşte û hêrişê dagîrkerîye yê artêşa Tirkî şermizar kerdî. Ciwanan badê ke Kongreya xo ya 2. Viraşte, îzehetêko nuştekî da û vera hêrişanê dagîrkerîye de dest bi rayîrraşîyayîşî kerdî. Îzehet hetê Endamê Koordînasyonê Tevgerê Ciwananê Mexmûrî Leheng Karayî ra ame wendene. Ciwanan dîyar kerdo ke ê do Kurdîstan bikerî goristanê dagîrkeran û veng dayo heme ciwanan ke wa beşdarê xoverdayîşî bibê. Îzehetê ciwanan bi silogananê ‘Bicuye xoverdayîşê Rojawanî’, ‘Ciwanî fedaîyê Rayberê Apoyî yî’ û ‘Bicuye Rayber Apo’ qedîya.
AMED