Nê rojê ke çim û goşê dinya operasyonê Reqa ser de yo, gerîlaya bi nameyê Sarya zî mîyanê operasyonî de cayê xo gêna. Sarya cuyayîşê xo yo ke gerîlatî ra ver de xeylê zehmetîyan anta. Ya zî sey cinîyanê bînan mîyanê zîhnîyeto feodal û keyeyî de xeylê tedayan reyde rî bi rî menda.Gerîlaya cinî Saryaya ke reqqayij a, qala cuyayîşê xo kerde. Saryaye va ‘mîyanê keyeyê mi de vera cinîyan de tedayê girdî estbî’ û qiseykerdişê xo wina domnaye: “Na rewşe tena keyeyê mi reyde eleqeder nêbî, heme Sûrîye de wina bî. Cinî planê dîyine de ameyêne dîyayîş. Her çiqas ke cuyayîşê mi de muhakemekerdişî estbî zî muhakemeyî bi netîce nêbîyêne. La wextê averşîyayîşê Şorişê Rojawanî de mîyanê komelî de bedilîyayîşî bîyênê û mi zî xo rê yew plan viraşt. Kesê ke bişînbî cuyayîşê mi bibedilnî, vejîyayî vernîya mi. Mi verê waşt mîyanê Şorişê Rojawanî de ca bigira, la dima mi qerar da ke ez beşdarê gerîla biba. Çimkî çiqas ez sîstemî ra dûrî bikewtêne, hende baş bî. Cok ra ez ameya koyan.”
Ez resaya tehmê cuye
Saryaye dewamê qiseykerdişê xo de va ‘ameyîşê koyan ra dima ez resaya cewherê xo’ û wina qedêna: “Şorişê Rojawanî Reqqa de tesîrêko gird viraşt. No tesîr bitaybetî cinîyan de ameyêne hîskerdiş. Ez sey yew cinîye resaya tehmê cuyayîşî. Operasyono ke ewro seba girewtişê Reqqa yeno viraştiş, muhîm o. Çimkî eke Reqqa de felsefeya Rayberî hakim bibo, o wext şarî eşkenî bi hawayo azade têhet de bicuyî. Goreyê mi azadkerdişê bajarê Reqqa seba demokratîkbîyayîşê Sûrîye xeylê muhîm o.”
ANF / BEHDÎNAN