Nîşana xerabkerdişê kuçê kurd, xelata webala mergî ciwanan kerd xo mil, tipiş-tipiş ami, milo çewt şono û Sûr, Cizîrê. Nisebîn, kerd xerabe şono. Dima îstîfa Davutogluyî rayapêro agahî gena, Davutogluyî ho Mewlana, Dergeha Mewlewî, ho Qubeya Hadra de medresa û kulîyanê Konya de duayan şikir keno. ‘Şikir hezar dor şikir, aqubetî min bimendê sey Can Ersever, Eşref Bitlîs … serekomar Ozal, gelo min sekerdenê’ vano. Oxro, Davutogluyî senî siwar ami, otewir zî pîya, şermokî, gunekar şono. Serekwezîr Davutogluyî mamoste bi, prof. bi. Qase qoma xo, pirtûkê tirtirekî nuştbî. Wayerê stratejîya xorî bi. Wengî ey mendên vengî aktoro Malkoçoglî Cuneyt Arkin. Reberêko îtaatkar bi û konsepta herb de bi zerrî verê xo da bi îradeyê kurd û dawadar kurd. Vatenî; ‘ez peynî ana’. La penîya xo ard, bi şeng û coş ami, tena sarre xo şi…
Kurdan texmîn nêkerdenî, Davutogluyî ona leze şono. Davutogluyî kemî serekwezîranê binan nîbî, en taye qase yîn kurd fobî bi. La siyaset û piratîkî ey nê mendenê pê. Taybet zî, benate dewleta kurd fobî û sîyasetî de, halî ey o bi ke îtîbar nêda neteweperestan. Ayera sey ecdadî xo bi astoro kumet çar kamçî ami û loq-loq şi. La, Kurdistan de kera kera sere, sere gewde de nêverda, şono. Zere di serranê de faturêka giran xo dim verda, şono. Hetêk ra vatenê; rakerdişê îdareyo orfî denê ma yo. Rakerdişî qedexekerdişê kurdî dene ma yo. Hemleyo demokratik dene ma yo’ Se bi? Tenkîl û tehcîra kurd newe dest pê kerd. Tirkîya bî gola gun. Toqa sîya kerd xo milî û şono… Serekwezîr Davutogluyî, weçînayîşê 7’ê Hezîrane de partîya ey AKP, îtîbar vînî kerd. Davutogluyî fatureyê weçînayîşê 7’ê Hezîranê dano. Vîra ma de yo. AKP, weçînayîşî 7’ Hezîranê de weçînaxonê kurd ra derbêka gird werdbi. AKP Kurdistan de sey CHP û MHP bîbî partîya tabela. Kurd verê xo dabi partîya xo HDP la fatura sernêkewtiş newe birya. Hînî eseno dewleta kurd fobî vîna, serekwezîr Davutogluyî sey serekomar Erdogan zaf herbker nîyo, tebere keyeber bi. Şono xirab şono. Tabî ke îstîfa kerdişê Davutogluyî de zebê zî faktore est î. La no îstîfa de, sedemo gird meseleya kurd a û dewleta kurd fobî, Davutogluyî ra tam konsîlî de herb bibo, meseleya kurd lezê qamufle bo, waştbi. Tehrîbata herb hîna zaf bo, waştên. No derheq de dî, Davutogluyî û ekîba ey sist lebitîyena. Yeno zanayiş Erdogan deklerasyon red kerd, pêvajoya çareserî kerd hîç, vat kurd çîn o, meseleya kurd çîn a. Fam beno sedemî îstîfa ra yew zî, deklerasyonî Dolmabexçe ya. Davutogluyî binî pêvajo de pelîxîya, nêçare îstîfa bi. Vajêrî dewleta kurd fobî serekomar Erdogan: “Ez uta de veng dana mileta xo, veng dana hemê cîhanî. Bedel çi beno wa bibo, Vakurê Surîye de statûya kurd nêwazena” vatbi. Se bi? Kurdî Rojawan de xover danî. Serkewteyê û pêro cîhanî qebul vînenê, destek genî. Fam beno Davutogluyî nêçarî Rojawan mend îstîfa keno. Davutoglî şino him zî milê çewt şino.
Mistefa Şahîn