Kurdistanijê ke paytexta Belçîka Bruksel de ver konsolosxaneyê Tirk de are bî panqarta ‘dest mede îradeyê mi’ hewaday. Hemserokê Navenda Civaka Kurd Mûtafa Kûmral ke nûmayiş de qisey kerd da zonayen ke vera zilmê dewlet pêrokîn çormeyê demokrat yê Awrûpa dê paşt bidê. Nûmayiş bi slogananê “Ma pêrokînî HDPyijê”, “Faşîst Erdogan”, “Kurdistan do faşîzmî rê bibo mezel” qedîya.
Den Haag ra heta Fînlandîya
Sûka Hollanda Den Haag de zî ver sefaretxaneyê Tirk de 200 kes amey têhet û vatî ‘dest mede îradeyê mi’
Nûmayişkaran çelengê sîya ronay ver sefaretxane û bi slogananê “kiştox Erdogan” nûmayişê xo qedînayî. Paytexta Fînlandîya Helsînkî de zî kurdî û dostê ci ver Dêr’a Spî de amey pêhet û bi slogana ‘dest mede wekîlê mi’ heta konsolosxaneyê Tirk rayşî. Nûmayişkaran bi slogan û mesajan êrişanê hikûmeta AKP yê vera HDP protesto kerdî.
Darbeya Seray rê destûr nêdame
Paytexta Almanya Berlîn de zî ver Sefaretxaneyê Tirk yê Berlîn de mitîngeke virazîya. Bi desan kesê ke ser vengdayişê HDK-A Berlîn are bî nêrazîbiyenê xo yê vera AKP damusnay. Qiseyan de vajîya ke hewl danê temsîlkarê îradeyê şarê kurd û yê pêrokîn muxalîfan HDP parlamento ra bierzê. Temsîlkarê HDK-A aşkere kerd ke darbeya Seray rê destûr nêdame.
Hambûrg de zî mitîngê ‘dest mede wekîlê mi’ ver konsolosxaneyê Tirk de virazîya. Mitîngî de hayr ancîya êrişê hikûmet yê verra HDP ser û vajîya hikûmdarîya jew merdimî, kiştiş, herb, nefret nê, zafrengî, demokrasî û haştî. Badê qiseyan sloganê zey ‘Dûştê faşîzmî mil bi mil” û ‘Terorîst Tirkîye” berz bî. Vizêr seatanê şan de zî Stûttgard de bi seyan kes ver konsolosxaneyê Tirk de amey têlewe û hikûmet protesto kerdî. Herzewbîn cayanê zey Hannover, Stuttgart, Munster, Essen, Dusseldorf, Koln, Zurîch, Bern û xêlê cayanê bîn de ver konsolosxaneyê Tirk de nûmayişê protestoyî virazîyayî.
NAVENDÊ XEBERAN