Dewa Nîsra ke girêdayeyê qezaya Tirbespîyê ya Qamişlo ya, bi serran vera polîtîkayanê asîmîlasyonî yê rejîmê Baasî de xover daye. Dewe 80 serrî verê 8 kîlometre durê Tirbespîyê de ameya awan kerdene. Mîyanê hende serran de rejîmî çend reyan nameyê dewe bedilna.
Rejîmî ewil nameyê dewe kerdo Til Nîsran, dima ra zî kerdo El-Mensûra. Labelê extîyarê dewe dîyar kenî ke nameyê dewe cinîya êzidî Nîsra Xatûne ke bi cesaretê xo yena şinasnayene ra yeno. Dewe wexto ke awan bena 37 keyeyî tede cuyenî û rejîm qet xizmet nêbeno dewe. Dima ra zextan ver 16 keyeyî dewe de manenî. Rejîm destser nano erazîyanê şarî û akerdişê bîran zî qedexe keno. Şar zî seba debara xo dest bi heywankarîye keno.
Badê ke dewe destê rejîmî ra ameye azad kerdene, dewijî dest bi zîretî kenî. Cinîyanê dewe ra Xedîce Sêfo dîyar kena ke cinîye zîret ra heta heywankarîye xeylê hetan de rayberîye kenî. Sêfo haletêkê zîretî zî heta roja ma ya ewroyî pawito.
ANHA/QAMIŞLO