Eke Bendawa Ferqînî û HESan temam bêrê se kerdişî do ‘Gelîyê Godernê’ binê awe de bimano û eynî demî de heremê de bi hezaran dewe û daristanî zî çin bibî. Hewna seba vetişê gazê zinaran zî bi rayana ke xebat yena kerdişî. Bi kendişê axê do randimanê axê zî kêm bibo, hetta 50 serrê zî do Kurdistanê ziwabîyîş dest pê bikero.
Polîtikayê AKP
Bendawa Ferqînî (bendawa ewlehîyê) do xoza û awanîya kultira Ferqîn ra zirareke zaf bi gird bido piro û dijî nê polîtîkayê lêmin a dewleta tirk zî bi rayvarîya Tevgera Ekolojîyî zî bi rêzî çalakîyê xoverodakar dest pê bikerî.
Babete ser aktîvîstê Tevgera Ekolojîyî Guner Yanliç vat ke nika Kurdistan 11 bendawê ewleyî ame viraştiş la nê bendawan tewr xişn û bi teluke bendawê Ilisu û Ferqîn ê û wina vat: “Ma zî na bingeyîn de dijî bendawê Ilisu û Ferqîn de têkoşîn danî. Ma hetanê nika her tim vat pergala cerdewanî heme şaranê Tirkîyayî ra zirar dana labelê dewleta tirk hema zî dijî taybetê şarê kurd û şaranê Tirkîyayê de na pergalê şuxulnena. AKP vana ke nê bendawê, bendawê awedayişîyî labelê bi polîtîkayê AKP de citkarê şenik qedîyayî ma aşkera vanî ke hukimata AKP seba şarê nê seba pergala kapîtalîzmî xebityena û ma zî dijî polîtîkayê AKP de dest pê çalakîyan bikerî.”
Planê çalakîyê
10’ê temmuze de do Heyeta Zanistîyê Gelîyê Godernê de seba cigêrayişê zengînîya Habîtatî gêrokê teknîkî bikera.
11’ê temmuze de (Ewro) do Heyeta Zanistîyê raporê Gelîyê Godernê pêşkêş bikera.
12’ê temmuze de zî do Heyeta Zanistîyê raporê xo bi beşdarbîyîşî de pêroyinî çapemenî ra aşkera bikera û ve no aşkerayî de vengê meşa çalakîya Ferqînî bêro dayişî.
13’ê temmuze de ser çapemenîyê komeleyê seba Bendawa Ferqînî kampanyaya îmzeyî, vengê beşdarbîyîşê meşî, saet 21.00 de ser Twîtterî zî sazkerdişê Hastagî, rayedarê DBP û hemşaredarê û wekîlê HDP reyde waştişê hetkarî bêro kerdiş.
14’ê temmuze de zî Ferqîn de saet 17.00’ê de dijî Bendawa Ferqînî meşa girseyî ra bêro viraştiş.
25’ê temmuze de bi beşdarbîyîşê endamê Meclîsê Ekolojî yê Amedî, wekîlanê HDP û hemşaredaran Gêrokê xozayî bêro kerdiş.
01’ê êlule de do dijî Bendawa Ferqînî de platformek bêro sazkerdişî.
15’ê êlule de bi beşdarbîyîşê sazîyê Goç-Der, odayanê gureyî, Komeleya Huqiqnasî yê Mezopotamyayî û heyeta şaredarî tesbîtkerdişê zirarê dewijan (ban, heywan, hega û sewbî) bêro kerdişî.
Mîyanê 01 û 31’ê êlule de seba Bendawa Ferqînî û Frackîng (gazê zinaran) bi hemwextî Stenbol, Heremê Dengîzo Sîya û 5 qezayê Amed; Ferqîn, Hazro, Pasûr û Licê de panel, forum û viraştişê aşkerayan bêrê dar vistişî.
15’ê êlule de dewake tewr gird zirarê Bendawa Ferqînî ra vînaya de kamp bêro ronayişî û na dewe zî do dewa xoverodakar bêro îlan kerdişî.
Mîyanê 01 û 30’ê êlule de bi beşdarbîyîşê heme komê ekolojîyî, hunermendan, wekîlanê HDP û hemşaredaran mîtîngê ekolojîyê do bêro viraştişî.
Tewr peynî planê çalakîyê, pêroyin ravêreyeyê do bêro belgekerdişî û bêro dîmenkerdişî û bêro belgefîlmkerdişî.