Hata nika 22 serrê verdra. Meclisê Tirkiya de qe kes na qirkêrdena elewîyê Meclîs de niyardê zon. Ez ewro zaf sabiyo. Wekilê elewîyê no Meclîs de vêciyay, vat; ma elewîyê û wazen mê ke hesabê Sêwaz pers bikerîme. Ez sabiyo, no Meclîs hata nika ma înkar kerdenê, xona nika înkar kenê, no Meclîs de qe qirkerdena elewîyê qebul nebiyê, nê amê zon. Wekilê ke HDP de kuti Meclîs de ard zon. Nayera raverik Meclîs de elewî wekîl bi. Nê wekîl hortê CHP de bi. Hortê partiyone binudeki bi. Ninek zanitenê ke Sêwaz de elewî vesnay, qir kerdî. Ma cima qe na qirdenê niyardê zon. Ma elewî nika ni xora pers kerime. Hama nê wekîl tersene, neskiyenê vacê ma elewîme. Nê wekil tersene qe kamiya xo sêr kesey bikerê. Cimki, ebê kamiya xo nesiyenê Meclîs. Partiyê nê wekîleke neverdenê nê wekil vacê ma elewîme. Ma pero zanen mê Kemal Kiliçdaroglu raverke ama sere CHP, xo înkar kerd. Êndi xo înkar kerdenê verd ra. HDP elewî êbe kamiyo xo, kimliga xo berd Meclisê Tırkiya. Na saba ma elewîyê gamadê pila. Nikara têpiya elewîyêke partiyonê binuderê, neşkine xo inkar bikerê. Kamkê xo inkar keno, ma elewî ra rey nêceno. Niya her kês bizano. Na vecinayişte elewî ebê kamiya xo, kimlige xo kuti Meclîs. Nika vengê elewîyê Meclîstero. Nika meselê û problemê elewîyê ki Meclîs de yenê zon. Ez inam konkê elewîye ke reye xo neda HDP, ik nika tere min zaf sabenê. Nika wazênmeke destê kamke kuto gona elewîyê hesap bidê. Codir zaf muhimo. Elewî cika ke zaf wairê wekîlanê xo vecinê, cika poşt danê ci, vengê elewîyê hondê Meclîs de berj vecino, hondê hêrbik ma Çîller, Agar ra hesabê na qirkerdena elewîyê perskenime. Teyna Sêwaz nê. Na dewletê hesabê Dêrsim, Maraş, Çorum, Gazî û Gezî ki bido.
HUSEYÎN ÇATAL