Îran heta ney gamî polîtîka xo ya dardekerdişê kurdan ra tepaya gam nêeşta. Her roj ravêreno bandora xo Sûrîye û Iraqî ser de zafêrnena. Îran Sûrîyeyî de hetê pergala Esadî, Iraqî de zî hetê serekê şîî Haydar Abadî verbê DAIŞ şer keno û ardima xo nêdano pey xo. Çi marîfeto se welatê xo de zî verbê kurdan şer kena û kurdan bi îdam û zilmî keno ke bihelîna. Ewro Partîya Cuyaya Azadî ya Kurdistanî (PAJK) xoverdayiş dana. Berpirsîyarê PAJKa Ewropayî Şerzad Kamanger mijara dardekerdişê Îranî û qala xebatêy Kongereya Demokratîkbîyişê Kurdistanê Rojhilatî û Azadîyî (KODAR) kerd. Kamanger polîtîka Îranî ya kurdan ser de virazena ra ard ziwan ke Îran bi serrano ke şarê kurd, azerî, ereb, keldanî ser de polîtîkayê gemarine şopnena û wina dewam kerd: “Îran pey awankedişê Serekomarîya Mahabadî ya Kurdistanê Rojhilatî ra dim û serra 1979 qirkedişê ke Îranî Sîne de kerd ra pey sere de şarê kurd û pey de zî şarêy bînan ser de împaretoreyeke tersayişî waşt ke birono. Pergala Molla û Şah senî ke kurdan ser de polîtîka zilmî dayê meşnayiş eynî hawayî zî na gam dewam kena. Ewro polîtîka qirkerdiş û helênayişî bi heme hêza xo dana domnayiş.
Ewro eke kam pergala Îranî ver de vengê xo bivejyo û waşteyê ekolojî, medya, aramî, merdimatî biwazêy se hêzêy Îranî verbê înan zilm, tade û dardakerdiş rewa vînaya. Pergala ewro ya îranî zey pergalêy xo yê verînî merdimêy zey înan nêfikiryenêy her tim tehdîdeke gird vînayê. Verî ra heta ney gamî kamî vengê xo veto se eştê zîndanan û semedê tersayişê xo zafêran darde kerda.” Kemanger dergeya qisey xo de qala PJAKî kerd û ard ziwan ke par KODARî ronayê û fekîyê ci genêy û wina dewam kerd: “Şarê kurd yê Îranî serra 2010 ra naşt xebatan ma geş kerd. Ewro meweyê ci genêy. Esasêy xebatan Konfederalîzma Demokratîk o. Tenê semedê Kurdistanî nê hemeyê îranijan geno xo mîya. Na gam zî xebatêy ravistişî yenêy viraştiş.”
‘Kodar karê weş’
Dardekerdişê Îranî ser de zî qisekerdişê Kemangerî dewam kerd û ard ziwan ke 2011 de pey dardakerdişê kurdan mîyanê PJAK û Îranî de pêrodayişîy gird vejya. Kemanger wina verdewamî da qisey xo kerd: “Şerî de ma Îranî zaf teng kerd û Îran zî mecbûr mend ke bima de adirbirnayişeke bikera. Ma pêvînayişêy dermeker derg ra pey adirbirnayiş qebûl kerd. Ey ra pey ma şarî mîyan de hewna zêd ma xo bi rayvistişine kerd û ma pratîka xo geş û weş kerd. No gam KODAR Kurdistanê Rojhilatî de herî weş ameyo rayvistişî.”
FRANKFURT