Nesrîn Ebdullah dîyar kerd ke Şoreşê Rojawa goreyê şoreşê dinya xeylê cîya. Ebdullah ard ziwan ke “Şoreşê Rojawa, şoreşê do lejkerî, komelkî û sîyasî yo. Şoreşê Rojawa wayîrê rewşeke xoser o. Jew qûweto ke no şoreşî rê rayverîn kerd, YPJ yo. Îradeyo tewr gird, ke îradeyê DAIŞ şikna YPJ ya.
Dîplomasîyê YPJ
Ebdullah vist vîrî ke, têkoşînê YPJ kişta dîplomasî de zî tesîrê do gird kerd û wina domna: “Cenîyê Kurdî bi cilanê xo yê lejkerî hetê Serokkomarê Fransa Hollande, Qesrê Elysee de amey pêşwazîkerdiş. Peycoy hetê zaf îdarekarê welatan ra zî bi cilanê xo yê lejkerî amey pêşwazîkerdiş û no çarçowe de ma zaf pêdiyayişî viraştî. Nê gamî serba-qandê vînayîşê cenîyan muhîm o.
YPG û YPJ amey qebûlkerdiş
Netîceyê pêdiyayinanê ma de YPG û YPJ sey kamîyêke lejkerî ameyî qebulkerdiş. Ma senî vernîya DAIŞ girewt, nê pêdiyayinan de ma ciresna nê welatan. Reyna ma înan ra vat ke çeteyê DAIŞ, ke hetê hêzê ma ra ameyî girewtiş ser o planê ke ser Efrîn û Dengizo Spîye ra senî dê şêrî Ewropa û weyra de hêrişan bivirazî vejyay.”
Ganî Rojawa bisilasnê
Fermandarı YPJ Nesrîn Ebdullah qalîkerdişê xo de hayr ant qebûlkerdişê qûwetê lejkerî yê hetê qûwetanê Mavênneteweyî ser wina vat: “Ê ke ma sey qûwetê lejkerî şinasnenî, gerek ma bi kamîya sîyasî û zey qûwetekê lejkerî yê rayîrberdişê xoserî yê Rojawa bisilasnê. Ma qûweteko ke dewletî ma vera DAIŞ bidê şuxilnayîş nîyê. Ganî her kes nayî rind bizano. Ê ke ma qebûl kenî, ganî bi kamîya ma ya sîyasî qebûl bikerê. Raşt o ma hetê lejkerî de zaf bi qûwetê. Labelê ma hêzo ke xoserîya demokratîk ê Rojawa ra girêdayî. Eke hetkarî bidê ma, wa ser xoserîya demokratîk ê Rojawa ser o bikerê.”
Hikmê xeta sûr çinyo
Nesrîn Ebdullah aşkere kerd ke, ê ke xo zey temsîlkarê erjê merdimatî vînenê, ganî fam bikerê ke pergalê Rojawa yeno manaya pawitişê erjê merdimatî. Ebdullah vist vîrî ke “Têkoşînê Hêzê Sûrîye ya Demokratîk ê Rojawa, serva pawitişê erjjê merdimayî esto“ û wina qisey kerd: „Ma nêverda ke DAIŞ gird bibo. Lazim o heme welatî na raştî qebûl bikerî. Têkoşînê ma do vera DAIŞ biramo. Ma wazenî Tirkîya reyde mîyanê hurmetê cîraniye de bicuyî. Problemê ma bi Tirkîye ra çin o û ma qebûl nêkenî ke Tirkîye gule şarê ma ser o bireşano. Seba ma ti manaya xetê sûr ke vernîya ma de ameya kaşkerdiş çin o.”
SERKAN DEMÎREL