Peynîya xoverodayişê Kobanê hukûmata AKP rojdema Tirkîyaye ra ‘reformê ewlehîya zereyê’ ard û heme pawitoxê heqê merdimatîyê zî bertek mojnay. Pawitoxê heqê merdimatîyê etîreyeneke no qanûn do seba mûxalîfan bibo gef. Verba no etîryayişê mûxalîfan zî hukûmata vana ke guya ê no qanûnê seba ewlehîyê vejenê.
Peynîya xoverodayişê Kobanê operasyonê polêsî zî vîrê merdimê operasyonê KCK ard. Wezaretê Karê Zereyê Efkan Ala vat bike di mîyanê 3 rojê de 1024 kesan amey binçim girewtiş û nê kesan 58 kesê ameybi girewtiş. Hema zî heme di şaristanan de girewtişê polêsan domyenê.
Serra 2009’ê peynîya weçînayişê heremê DTP, serfiraz bibî la belê hukûmata AKP no serifirazîyê hezm nêkerdbî û bi polêsê xo destpê operasyonê KCK kerdbî û peynî zî zatî DTP ameybi girewtiş. No demê peynîya operasyonê KCK bi hezaran sîyasetmedarê kurd ameybi girewtiş. Çi balo ke dema operasyonê KCK, di mîyanê Rayverê Şarê Kurd Abdullah Ocalan û dewleta tirk pêvînayişê OSLOyê ameynê viraştiş. Dewleta tirk zey no demê yew het ra pêvînayiş kerdînê yew het ra zî ser şarê kurd operasyon viraştne. Di mîyanê dewleat tirk û KCK de pêvînayiş hetanê weçînayişê pêroyina serra 2011’ê domya. Peynîya weçînayişê dewleta tirk pêvînayiş ra fek verada.
Çimkî weçînayiş ra AKP serfiraz vejîyabi û no ser zî AKP pêvînayişê Osloyê ra fek verada. Ser Rayverê Şarê Kurd Abdullah Ocalan zî tecrîd destpê kerd.
Polêsê AKP heme banê sîyasetmedarê kurd operasyon viraştnê û dadgehan nê sîyasetmedaran bila semed eşrawitê zîndanan.
HEDEF ROJNAMEGERÊ
Peynîya serra 2011’ê zî AKPê no ra, xo ra BDP hedef girewtbi. BDPê se operasyonê gird destpê kerdbî û nêzê 1000 rayedarê BDP û akademîsyen ameybi girewtîş. Peynîya BDPê, polêsê AKO no ra, xo ra endamê rojnamegerê Azad hedef girewtbî, her ke şîynê hûmarê binçim girewtiş zêdîyaynê. No demê AKPijan ser kurdan wendişê pirtûk daxê qedexe kerdbî. Na serre heme pawitoxê heqê merdimatî, serra dewleta polês îlan kerdbî. Verba heme nê leymînîya dewleta tirk, serra 2012’ê gerîlayan destpê operasyonê azadîyê kerdbî û dewleta tirk verba na têkoşîne gerîlayan têk şîbî. Operasyonê gerîlayan hetanê adare 2013’ê domya.
ANF/BRUKSEL