1. Konferansê HDP vizêr Enqera de dest kerd ci. Konferansî de Hemserokê HDP Yuksekdag û Demîrtaş’î qisey kerdî û hayr antî şiyayişê siyasetê Tirkiye ser. Demîrtaş’î îşaretê arîfeyê şikinayişê tarixî kerd. 2. Kongreyê Partiya Demokratîk yê Şaran, hefteya vernî de viraziyeno. Veriya Kongre HDP sûkanê Tirkiye û Kurdistan de 53 Konferansî viraştî. Vizêr zî Enqera de, bi sloganê ‘Şewraya xo ewro ra roneme’ 1. Konferansê HDP yê didi rojî destpa kerd.
Destûr nêdame dîktatorî
Hemseroka HDP Fîgen Yuksekdag ver kursî û vist vîrî ke, HDP temsîliya pêrokîn ciyabiyîn û renganê Tirkiye û Kurdistanî ya. Yuksekdag aşkere kerd ke, arîfeyê wextanê krîtîk û tengî de, kes şeno îradeyê şaranê Tirkiye’yî HDP bivîno.
Yuksekdag aşkere kerd ke, ma destûr nêdanê ke, şewrayiya ma hetê jew dîktator bîro xesp kerdiş û wina va: “Ma ewro ra, wayirê şewrayiya xo vejyenê. Bi qiseyanê no konferansî ma dê qûwetê demokratîk yê Tirkiye werznê ser payan. Bedilnayişê raştî wezîfeyê HDP yo. HDP ra piya ma emegdarî, cenî, Kurdî, alewî pêrokîn îtiqatî, pêrokîn netewê ke Tirkiye de cuwyenê, kesê bindest, no wextê newî de ronayoxê Komara Demokratîk ê. Yuksekdag qiseyanê xo bi silamkerdişê xoverdayişê xorayverînan qedîna.
‘Raya bîn mimkûn a’
Peycoy hemserokê HDP Selahattîn Demîrtaş’î qisey kerd û hayr ant bedilnayişanê Rojhelata Miyanî û yê Tirkiye ser. Demîrtaşî va HDP bi îdiaya ‘bi qiwetê şarî gerek qederê xo bi xo binûsê’ amê ronayen. Û serva pêrokîn Rojhelata Miyanî bi slogana ‘serva pêrokîn bindestan rayê da bîn mimkûn a’ kewt ray.
HDP Partiya tewr rind a
Demîrtaş’î ard ziwan ke, HDP mîrasê şoreşger yê Tirkiye dewr girot û vist vîrî ke HDP rexmê pêrokîn kêmasiyanê xo partiya tewr rind yê Tirkiye ya.
Demîrtaş’î hayr ant hesab û polîtîkayanê qilêrîn ser û vist vîrî ke, “Tirkiye de hesabê qilêrîn şexs dê HDP de û Sûriye de şexs dê Şoreşê Rojawa de amey vindernayen.
Merdişan ra hesab perskerdiş
Selahattîn Demîrtaş’î hayr ant kerdenanê cenazeyan ser û wina qisey kerd: “Cenazeyî bi rojano kuçeyan de yê. Cenazeyan rê îşkence kenhe. Ma êşkenê her babed de ciya fikir bikerê, la eke ma babedê cenazeyan de ciya fikir kenê se, ya ma însan niyhe, ya khi ê. Yê ke cenazeyan rê wina kenê, akademîsyenan rê se nêkenê? Yê ke merdişan ra hesab perskerê, ma merdişan ra hesab persnêkenê?
Pakkerdişê rayî
Demîrtaş’î ard ziwan ke, hewcedariyê vûrnayişê demokratîk yê rejîmî esto. Hama, wexto ke, cenazeyî hona erdî de yê, senî behsa konsensusê civakî bikerime? Wextê winayîn de kam şeno behsê serbestiya fikir bikero? Demîrtaş’î da zonayene ke, veriya her çî gune mayin û pêrokîn manîkerdişî ray ra bîrê wedarnayen. Badê qiseyan roniştişê konferan çapemenî rê girote dewam kerd.
DÎHA/ENQERA