Aktivîstanê Platformê Karadenîz Îsyan o’, Komîteyê Komeleyê dew yê Pilûr, azayanê Komeleya Îkitellî yê Dersim, azayanê Komeleya Demokratîk yê Alewî ra piya xeylê kes tewrê nûmayişa protestoyî bî. Pawitoxê cuwyayişî ke ver Lîseyê Galatasaray de amey pêhet Projeyê Santralê Hîdroelektirîk 1 û 2 yê Konaktepe ke ameyo plankerdin ke ser çemê Mûnzûr’î de bîro viraştiş, bi aşkerekerdişê çapemenî protesto kerdî.
Dest mede bimbarekiyê ma
Aktivîstan panqarta “Mûnzûr de bendawan rê, Konaktepe de HES’an rê nê” rakerdî û dowîzê zey “Dersim de hawuzê merdişî nêwazeme”, “Mûnzûr bimbarekiyê ma yo, dest mede bimbarekiyê ma” hewaday. Serokê Komeleya dewanê Topûllû yê Hanûşagi Sogutlu Gokhan Zekîoglu vist vîrî ke, projeyê HES 1 û 2 yê Konaktepe ke hetê şûraya dewlet amêbî îptal kerdin, Wezîrtiya Dorme û Bajarvanî qebûl kerdo.
Roşniya mûmî rê razîme
Zekîoglu aşkere kerd ke, hedefê nê projeyan de girotişê enerjî çinyo, no hardî ra goçkerdiş esto. Zekîoglu da zonayen ke bi nê projeyan hedef kenê ke Dersim bê mordem bikerê. Gokhan Zekîoglu vist vîrî ke, hurendiya ke hendayî zerar biderê xoza û enerjî bigîrê, ê raziyê ke roşniya mûmî de bicuwyê. Tenya wa xozaya ma zey xo bimano û bîro pawiten. Aşkerekerdiş bi sloganan qediya.
DÎHA/STENBOL