Nûmayiş de pankarta “Şima nêşkenê elewîyan bêveng bikerê” abîya. Wekîlê HDP Erdal Ataş, Ahmet Yildirim û yê CHP Hîlmî Yaricî, Onursal Adiguzel ra pîya îdarekarê HDP yê sûk û xêlê kes tewrê nûmayişa protestoyî bî. Îdarekarê TV 10 Huseyîn Kalecî damûstayîn da û aşkere kerd ke ê wazenê kulturê elewîyan biresnê. La wexto ke ma behsa heskerdisî, rindekîye, heqê mordeman kerd de ekranê ma amey tarîkerden. Eceb sûcê ma no bi ma şar hayderî kerd cok ra vengê ma birnenê.
‘Ma sîyayî, çermsûrî û Abrojîn ê’
Serokê Rayverîna Weşanê yê TV 10 Velî Buyukşahînî zî da zonayen ke rîwalo ke ê rajêr nêbîyê televîzyonê înan ameyo giroten û vatena Îmam Huseyînî ya Kerbela vistv vîrî: “Eke şima bivînê serreyê mi ameyo cikerden, bizanê ke sebebê ci no yo ke mi bîatê Yezîd nêkerd o’ û va elewî dê bîat nêkerê.
Metîn Karataşî zî nûmayiş de qisey kerd û aşkere kerd ke iyê dê her ca de xover bidê. Karataşî dîyar kerd ke kulturê elewîyan ke harde ra ameyo kariten, Mûavîye û Yezîdê ewro nêşkenê biwelişnê. Ma tenya Tirkîye de elewî nîye, ma Efrîka de sîyayî, Emerîka de çermsûr û Avûstralya de Aborjîn ê.
STENBOL