Pandemîya vîrusê Korona ra her roje hezaran kesî mirenê. Hûmara merdimanê ke înan de vîrusê Korona teşhîs bi 716 hezarî ra zêdêr a. Vîrus 183 welatan û herêman de vila bîyo. Goreyê daneyanê Unîversîteya Johns Hopkinsî en tay 149 hezar û 71 nêweşê Korona weş bîye. Yew hewteyê verî Pêroyina Dinya de 3 hezar û 241 kesî Korona ra merdbî û hûmara kesê ke vîrusê Korona kewtî bîy 56 hezar û 973 bî la mabênê hewteyêkî de tewro zaf Spanya, Fransa û Amerîka de merdimî Korona ra merdê û Tirkîya de zî hûmara 168 kesê ra. Îtalya de heta nika 10 hezar û 779 kesî Korona ra merdê û 97 hezar û 689 kesî vîrusê Korona kewtê. 13 hezar û 30 kesî zî weş bîyî. Îspanya de 78 hezar û 799 nêweşê Korona estê û 6 hezar û 528 kesî Korona ra merdê. Çîn de 3 hezar 300 kesî Korona ra merdê û 81 hezar û 439 kesî nêweşîya Korona kewtê. Îran de goreyê doneyanê fermîyan 2 hezar û 640 kesî Korona ra merdê û 38 hezar û 309 vîrusê Korona kewtê. Fransa de zî hûmara qurbananê Korona 2 hezar û 606 kesî ya. Fransa de bi temamî 40 hezar û 174 kesan de vîrus ame tesbîtkerdene. Welato ke tede tewr zaf nêweşê Korona estê Amerîka ya. DYA de goreyê doneyanê fermîyan 132 hezar û 637 kesî pê vîrusî kewtê. Înan ra 2 hezar û 351 kesî merdê, rewşa 2 hezar û 612 kesan zî baş bîye. Şêwirmendê Trumpî hîşyarî dabi ke beno ke DYA de Korona ra do 100-200 hezar merdimî bimirê. Şanê şemeyî ra nata Uruguay, Sûrîye, Bolîvya, Malî û Zelandaya Newîye de reya verêne xeberê qurbananê vîrusî ameyî parekerdene. MERKEZÊ XEBERAN