Gelê Amedê û Şaredariyên Amedê ji bo gelê Rojava kampanya mezin dan despêkirin. Şaredariya Bajarê Mezin a Amede, Şaredariya Sûrê, Peyas, Yenîşehîr û Rezan ên Amedê ji bo alîkariya Rojava kampanya mezin dan destpêkirin. Têkildarî kampanyayê Şaredarê Bajarê Mezin Osman Baydemîr, Şaredadarê Yenişehîrê Selîm Kurbanoglu, Şaredra Rezan Yuksel Baran, Endamê Înîsiyatifa Dayikên Aştiyê, Platforma Şaxan a KESK'ê û endamên DÎAY-DER'ê tev li daxuyaniyê bûn. Dêkildarî kampanyayê Şaredarê Bajarê Mezin ê Amedê Osman Baydemir, daxuyanî da û diyar kir ku li Sûriyê şerê navxeyî berdewam dike û ew ji ber vê yekê bi fikar in. Baydemîr, anî ziman ku ji ber şerê navxweyî welatiyên Rojava birçî tên hiştin û dixwazin bi birçibûnê gel terbiye bikin. Baydemîr, anî ziman ku ji bo ew alîkariye bidin gelê Qamişlo, Amûde, Serêkaniyê û Halepê bikin şaredar hatin cem hev û dê alîkariyia piştevaniya mirovahiyê bidin nişandan. Baydemir, da zanîn ku gelê Sûriyeyê demek dirêj e ji bo xwe ji bindestiya destpot rizgar bike têkoşînê dide û di vê pêvajoya ku gel rêveberî xist destê xwe niha dixwazin wan bi birçîbûnê terbiye bikin.

Baydemir, anî ziman kuli ser sînoran jî ambargoya zexire hatiye barkirin û ew wekî şaredariyên Amed, Sûr, Yenişehir, Rezan û Peyasê kampanya mezin didin destpêkirin. Baydemîr, da zanîn ku dê di çarçoveya kampanyayê de alîkariya ard, riz, rûn, çay, şekir, potê zarokan, mamaya zarokan û gelek pêdiviyên din kom bikin û wiha got: "Alîkariya ku em kom bikin em dê bişînin ji Nisêbînê re. Em de ji wir jî bişînin Efrîn, Qamışlo, Amûdê, Serêkaniyê û Halebê.

Wê li 5 navendan kom bibe
Şaredarê Bajarê Mezin Osman a Amedê Osman Baydemîr anî ziman ku berê di pêşengiya Kongreya Civaka Demokratîk (KCD), partiyên siyasî û saziyên sivîl en civakî de kampanya hatibû destpêkirin û ji niha û şûnde ew dê tev li vê kampanyayê bibin û kampanyayê mezein bikin. Baydemîr, anî ziman ku dê alîkarî li navendên Sumerpark, Miduriyeta Zabiteyana Rezan, Şantiyeya Şaredariya Peyasê, Şantiyeya Alipinarê ya Yenîşehîrê û Şantiyeya Deriyê Mêrdîn a Sûrê bê komkirin. Baydemîr, da zanîn ku alîkariyên bên komkirin dê tev bên qeydkirin û bişînin ji Nisêbînê re û ji Nisêbînê jî dê li bajarên Efrîn, Qamışlo, Halep û Kobaniyê bê belavkirin.  Her wiha Baydemîr bang li hemû gelê Amedê kir û xwest tev li kampanyayê bibin û destê alîkariyê dirêjî gelê Rojava bikin. 

DÎHA/AMED



Ji Sîlopî û Şemrexê alîkarî

Li navçeya Sîlopiyê ya Şirnexê ji bo gelê Rojava konê alîkariyê hat vekirin. Li navçeya Şemrexêya Mêrdînê jî kampanya alîkariyê hat destpêkirin.
Li navçeya Sîlopiyê ya Şirnexê bi boneya alikarî û piştevaniya gelê Rojava di pêşengiya saziyên sivîl ên civakî de konê alîkariyê vedan.  Serokê BDP'a Sîlopê Muhsun Kunur û nûnerên saziyên wekî Egitim Sen, Kurdİ-DER, Akademiya Siyaseta Jinan a Berivan, Navenda Çanda Laleş, SES û DİVES'ê jî amade bûn.  Li navçeya Şemrexêya Mêrdînê jî di pêşengiya BDP'ê de kampanya alîkariyê hat destpêkirin. Di kampanya alîkariyê de Hevserokê BDP'a Mêrdînê Reşat Kaymaz, Rêveberên BDP'ê û Şaredarê Şemrexê Hasip Aktaş û gelek kesên din amade bûn. Serokê BDP'a Mêrdînê Reşat Kaymaz, diyar kir ku li navçeyên Mêrdîn û navenda Mêrdîn kampanya alîkariya Rojava dane destpêkirin û xwest hemû gelê Kurd li hemberî vê yekê bi hestyar tev bigere. 

ŞIRNEX/MÊRDÎN