Amed de yewêr yewêr xortên Kirdan-Kurd-kişenî. Ver cû Aydin Erdem, Îbrahîm Xelîl Oruç û Murat Elîbol bi tewirek qelleş ameyê kiştiş.

Nika zî Nurhaq Çîntay, Ozgûr Arda, Şahîn Oner û peyîne de zî Murat Îzol ame kiştiş.
Demê hemene, nê kiştişan de Amed de yew Walî esto, name eyê Mustafa Toprak o.
Demê hemene, nê kiştişan de Amed de di serwerê polîs bibî. Yew name eyê Mustafa Saxlam bi.
Nika serwerê polîs ê Antalya yo.
Ê diyîn zî, nika ser gurîyê yo. Name eyê Recep Gûven o.
Yew teybetîyê nê walî û polîsan esto. Her hîrê yê înan zî Fetullahîyê.
Her hîrê serwer zî, bi wazîfê teybet ameyê Amed.
Yew armancê înan esta. Armancê înan, hina wa ke, xortê Kurdan-Kurmanc û Zaza- bikişênê.
Zaf eşkera, xortê Kurdan kişenê, la wazenî bi deq û dolab binimnenê
Ergenekon bi nimitik Kurd kiştenê, la nika polîsê AKP û Fetullahîyon eşkere Kurdan kişenê.
Derheqê yew polîs de zî pirskerdişêk nîvirazîyo.
Eger, polîsê qetîlkeran ra hesab nîyero pirskerdiş, ê polîs yewêr yewêr xortê Kurdan bikişênê.
Ma, ewnenî polîsê Fetullahîyon ra, name kiştiş bîyo adelet. No adelete AKP û Fetullahîyon o.
Gelo, kiştiş, seyî bîyo adelet!
Zulm esto zulm. No zulme AKP yo. No zulme Fetullahîyon o.
Zulm esto, la no bê vengî çîyo.
Zulm esto, la şarê Kurd seken o.
Zulm esto, la xortê Kurd sekenê,
Zulm û kiştiş esto, la sîyasetmedarê Kurd sekenê.
Bê vengî nêbena. Bê vengî nêbena.
Heto bê vengî bibo, ê zulm zî bibo, kiştiş zî bibo.
Ez vana, wa herkes bişinawo.