Rakerdena ke kuçeya Huner de bi pîr û anayana pîya hemserokanê Komele yê sûk û qazayan û temsîlkaranê partiyanê siyasî ke tey ca guretî. Rakerdene bi wendişê dûayanê Pîr Bakî Aydinî dest kerd ci. Çilayî fîşt ray ci. Ser nameyê Ocaxa Kureso Rahîme Kizilkaya qeseykerd. Kizilkaya ard zon ke Kerbela hona rameno. Dersîm de tomete kerdena xeylê cayana besenêkeme jiyar û diyaranê xo ziyaret bikerême.Niya zon, kultur û îtîqatêma yeno vîndî kerdene.Kizilkaya veng da hometa Alewiyan ke ray û îtîqatê xo rê wayir bivejerî.
Hardê bimbarek
Hemserokanê Pêroyîn yê DAD Ayten Şîmşîr û Dûrsûn Demîrtaş kî veng da Alewîyanê Raya Haq ke bîrê têhet û quwetê xo bikerê jû. Pîr Zeynel Kete kî qeseyanê xo de hard, kultur û îtîqat rê wayir vejîyayene sero vinet: “Hardê ma bimbarek bî, hinîye ma bimbarek bî. Îtîqatê ma de kewt ke tewa bimbarek o uca de homete ke esta. Cemî de kulturê demokrasî est bî. Raye bi cenî dest kena ci û serbestîya cenî zerrê na raye de ra. Bi loqma haq, loqmê xizir weşîya de komunalî est bî. Kes ma sero qeseymekero, raya ma xo dana naskerdene. Qeseykerdisan ra dima germa Îmamo, niyaz û loqmeyî vila bî.
DERSIM