Erdoğan gina waro. Qomê kurdî vejiya ser.
Qedexe-medexe pere nêkerd.
Hukumatê AKaPe binde mend.
Ebi qedexe wastenê vireniya laşerî bijerê.
Laşerî her ca de dês û barîqatî sanayî xo ver berdî.
Hukumatî rê pêyda kerdî derdî.
Estemol de îdarekarê BDP Haci Zengîn kişiya.
Sermiyanê merdîsan Recep Tayyip Erdoğan o.
Çiqas ‘kürt kardeşlerim’ vano, vazo, kurdî birayenya niyanene nêwazenê.
Têdustiye ke nêbiye, birayenî çitur bena?
Key ben sa, key berven, key roşana xo ken bimbarek, qerarê naye gune ez bi xo bidî.
No qerar birayî rê nêmendo.
Birayî ke naye rê qerar da, o waxt bira niyo, dîktator o.
Polîsanê dewleta tirkî Elîh de girmike dê Ahmet Turk ro.
Sermiyanê na biyayîşî Recep Tayyip Erdoğan o.
Merdena polîşî ra zî Erdoğan sermiyan o.
Meydanan de zor û zorvajiye ra Erdoğan sermiyan o.
Newroza emserrene de kurdî hebena jede ameyî xo ser, kamiya xorê wayîr vejayî. Birayenya şaşe qebul nêkerde, têdustiye waste. ‘Birayenî niya bena’ vat.
Vatenê ‘Newroze de rêxistine werte gonî gonaşîr de verdana.’ Zurê hurafekaran vejiya werte. Zor û zorvajiya dewlete ra qederî tewa nêbî. Kurdan teyna verva faşîzmê AKaPe est xo ver.
Leto jede yê çapemeniya tirkî rîşa vejiye. Çike en jede na çapemeniye propaganda kerdene û seweta hukumatî zurûpolî nusnenê.
Ça zur vcejiye?
Çike rêxistina ke wazena 18îne de gonî deverdo, besekena naye 21înde zî, 22îne de zî bikero.
Hama ma dî ke, 21îne de nêbî, 22îne de zî çiyo niyanen nêbî.
18îne de ça biyayîşî vejayî?
Çike dewlete nî biyayîşî ebi zonayîs plan kerdî bî. Nêwastenê qomê kurdî roşana xo bi wasten û gorê xo bimbarek kerê.
Yanê xeberê xiravinyê ke çapemeniya tirkî de nuşayî, planê dewlet û hukumatî bî.
Erdoğanî na zor û zorvajiya dewlete polîsanê xorê kerde bimbarek, cirê berxûdarîya xo vate.
Ebi na tore polîso ke da Ahmet Trurk ro, eyrê zî na gama qefçile kerde bimbarek.
Erdoğanî tertelê Roboskî de zî eskeranê xorê berxûdariye vatî bî.
Qomê kurdî na Newroze de vat ‘endî bes’ o:
Ma îsotê xo weme vêseme, çîkolata to nêwazeme.