Mihemmed Osman anî ziman ku Tirkiyeyê bêyî hincet, destûr leşkerên xwe derbasî axên Iraqê kir û der barê dagirkirina xaka Iraqê de wiha peyivî: “Me gelek caran aniye ziman ku dewleta Tirk qanûnên neteweyî û navneteweyî binpê dike. Dema me dît Tirkiye vê paşguh dike, me jî wek parlamentoyê ji bo leşkerên Tirkiyeyê derhal ji axên Iraqê bên derxistin biryar girt. Ji bo vê jî me ji Neteweyên Yekbûyî daxwaz kir ku leşkerên Tirkiyeyê bên kişandin. Hebûna leşkerên Tirk a li axên Iraqê, ji bo yekparebûna axa Iraqê dibe pirsgirêk. Eger pirsgirêkek Tirkiyeyê hebe divê li ser axa xwe çareser bike.”

Di şerê DAÎŞ’ê de rolek mezin girtiye


Her wiha Osman da zanîn ku gerîlayên PKK ji hêla hikûmeta Iraqê ve bi awayekî fermî hatiye dawetkirin û gerîlayên PKK’ê heta niha li ser axa Iraqê li gel hêzên parastinê yên Iraqê û peşmergeyan li dijî DAÎŞ’ê şer dike û wiha axivî: ”Di şerê DAÎŞ’ê de rolek mezin girtiye û di navbera gelan de navbeynkariyê dike. Ji bo rizgarkirina gelan gelek bedel dane. Şehîd û birîndarên wan hene. Ev ji bo me nêzîkatiyek bi rûmet e. Lewre jî em her tim xwe deyndarê PKK’ê dibînin. Her kî mîna hêzek derveyî li PKK’ê binêrê, ew xwe dixapîne. PKK’e ew tevgere ku dibe alîkarê gelên Başûrê Kurdistan û Iraqê. Heta ku hikûmeta Iraqê pêwîst nebîne, dikare li ser axên Iraqê bimîne.”

KERKÛK