Bîranîn ji aliyê Komisyona Malbatên Şehîdan a Stuttgartê ve hate organîzekirin. Merasîma taybet a bibîranînê pêr saet 15:00'an li navenda Komaleya Çand û Hûnera Kurd a Mezopotamyayê bi beşdariya gelek malbatên şehîdan û Kurdistaniyan pêk hat. Merasîmê bi deqeyekî rêzgirtinê dest pê kir û ji aliyê Endamê Komisyona Malbatên Şehîdan a Stuttgartê ve hate birêvebirin.

Di bîranînê de li ser navê malbatên şehîdan Dayika Elîf axifî û wiha got: "Şehîd ronahiya rêya mene, em wekî malbatên şehîdan bi wan serbilindin Eger îro li Bakûr, Başûr, Rojhilat û Rojava tevgerek û rêxistin hebe ev di saya siyaset û ramanê Serok Apo ye û pêwîste em wekî malbatên şehîdan xwedî li ramanên Rêber Apo derkevin."
Merasîma girseyî piştî axaftin û xwendina peyaman bi xwendina mevludê berdewam kir. Mewlud ji aliyê endamê Civaka Îslamiya Kurd (CÎK)ê mele Mahsum ve hate xwendin. Dîsa di merasîmê de, ji Komisyona Baweriyan a Meclîsa Gel a Stuttgartê nivîskar Haşîm Kutlu jî gulbanga şehîdan xwend. Bîranîna girseyî bi belavkirina xwarin û şîraniyê bi dawî bû.  


ABDURRRAHMAN KARATAŞ / STUTTGART