Damûstayîn de vajîya ke ‘Kurdî dê 1ê Mijdar Roja Kobanê yê Dîna dê xo vîra nêkerê’ û wina dewam kerd: “Ma 1ê Mijdar tenya roja paştdayişê bi kurdan nêvînenê, paştdayişa bi pêrokîn şaranê bindest û şaranê Rojhelato Mîyanî hesibnenê.” KCK da zonayen ke 1ê Mijdar ‘Roja Kobanê yê Dîna’ seba ke Şoreşê Rojawa açarîyo meterîsê tekoşîn yê pêrokîn însanîyetî roleke gird kaykerdo.
KCK vist vîrî ke 1ê Mijdar ‘Roja Kobanê yê Dîna’ pêrokîn destegê madî û yê çekî ra hona vêşêr erjaye yo. Damûstayîn de vajîya ke eke paştdayişê Bakurê Kurdistan, Tirkîye û yê şaranê dinya bi xoverdayişê Kobanê nêbîyaba serkewtiş zî çetin bi.
Kurdî dê bi mînet vîr bîyare
Hemserokîna Konseya Rayverîn vist vîrî ke şarê Kobanê, şoreşgerê Rojawa û pêrokîn Kurdî, dê tim û tim roja paştdayişî bi mînet vîr bîyarê û ma dê no rihî bikerê bingeyê rihê azadî û demokrasî. Damûstayîn de vajîya ke bi sayeya 1ê Mijdar ‘Roja Kobanê yê Dîna’ Kobanê îşgalî ra xelesya, la seba şaranê Rojawa û Sûrîye taloke hona nêravêrîyayo. KCK aşkere kerd ke dewleta Tirk ke çîyo ke DAIŞ nêeşkîya bikero, nika wazena bi xo bikero û wina va: “Dewleta Tirk wazena xeyalê ciwîyayişeke azad û demokratîk yê şaranê Rojawa û Sûrîye bifetisno. Nayî ra wazena Sûrîye û Rojawayê Kurdistan îşgal bikero. ”
KCK aşkere kerd ke ê bi rihê nûmayişanê paştdayişî yê 6-7-8ê Cotmeh û 1ê Mijdarî xoverdayişê şaranê şoreşger yê Sûrîye het de ca gênê.”
ANF / BEHDÎNAN