Qezaya Îzmîr Ûrla de, bi siloganê ‘Meroşe, bipêvurîne û reyna bixebitine’ aktîvîteya 2. ame organîzekerdiş.
Hetê Başka Bîr Cafe ra, Merkezê Sehneyê Toprakî de bazarê pêvurînî ame ronayîş. Bazarê pêvurînayîşî rê gelek eleqeyê şarî bî. Kesê ke ameyê bazar çî-mî ke înan dir bî vernî lîste de nameyê înan nuşt û dima ra bi kerran çî-mî yê bînan girewtî. Hazan Gençaye derheqê bazarê pêvurînî de qisey kerd û wina va, ‘ Ma pêvurînayîşê yewin de nêameybî. Ma çî-mî yê xo zêde ardî. Ma bawer ê ke feydeyê ey zaf o. kesê ke çî-mî yê kanan hes kenê, bazarê pêvurînayîşî semedê înan gelek baş o.’ Sema Ayduke zî kêfweşîye xo bazarê pêvurînayîşê rê ard û va, ‘wexto ke derg o ez çîyêk newîn fikîrîyayne, la bi tena serê mi nêeşka çîyêk newîn bikerî. Mi çî-mî xo top kerd û ez bazar de pêvurnena. Heme çî yeno qebul kerdiş, semedê aye ez kêfweş a.’
Hêlîn Arslane ke beşdarê pêvurînayîşî bîye, wina qalî kerd. ‘ma cayo ke pere derbaz nêbeno de yê. No çîyêk zaf weş o. sey demanê verênan vera pere kerrayî yenê xebitnayîş. Muhîm awe ke çî-mî ke kesan rê lazim o bireso înan. Bi pere zî merdim eşkeno bireso çî-mî yan.
ÎZMÎR