Ruhê rayverêy têkoşînê Kurdistanî û Xoverdayîşê Dêrsimî Nûrî Dêrsimî eyro xo verdayo mîyanê zerreyê şorişî. Xoverdakarêy Kurdistanî ra Nurî Dêrsimî rayverê Serewedaritişê Koçgirîyî ke 6’ê adara 1921 de dest pê kerdbî yo. Wexto ke serewedaritiş têk şî ra dima Dêrsimî 17 serran ra dima na ray hetê Seyîd Rizayî de cayê xo girewt.
Labelê no serewedaritiş bi qirkerdişê gird ame pelçiqnayîş û Dêrsimî Sûrîye ra ame surginkerdiş. Nurî Dêrsîmî demo derg Haleb de mend û dima domanê xo zî girewt hetê xo.
Nameyê domanê xo Seyîd Rizo rona. 1991’ê de zî domanê Seyîd Riza ame dina û nameyê zî Nûrî Dêrsimî ame panayîş. Dêrsimî eyro Rojawan de mîyanê şorişî de bi nameyê Baran Munzur têkoşîno xo domneno.
Dêrsimî nika 24 serrî yo û wina behsa cuyeyê xo keno: “Wexto ke ez maya xo ra bîya û dima ma semedê karê xo şî Yemenî û heta 11 serrîya xo oca de menda. Wayeke min bi nameya ci Şîrîn a 16 serrî esta. Min qet bawkalê xo nêdîyo labelê ez nasnameya ci ya xoverdakarî ra haydar a. Wexto ke bawkalê min yeno Sûrîya dima zî şono Urdinî. Dewleta tirk zaf tedaya Urdinî keno semedê ke bawkalê min teslîmî înan bikero la dewleta Urdin nêy qebul nêkena. Bawkalê min rayna agêreno Sûrîye û Halebî de mîyanê xirîstîyanan de maneno. Goreyê vatişî pîyê min aye wext tayîn semedê şoriş yenî hetê bawkalê min, labelê bawkalê min vano; ger ke na ray ma warzîy pay lazim o hedreyîyêy ma bibo ke ma qirkerdişî rey rî bi rî nêmanîy.”
Pirtûkêy Dêrsimî
Dêrsimî bal ant ser pirtûkêy bawkalê xo û wina domna: “Aye wext bawkalê min nêweş beno û semedê tedawîyî şono Lubnan û weyra de yew feyde nêvîneno û agêyreno. Bawkalê min aye çax ser têkoşînê Kurdistanî tay pirtûk nuştî û dayo cenîya xo Ferîde û ti ra vato; ‘Ger ke rayverek hemverê koletîya kurdan bivecyo, nêy pirtûkan bide ci.’ Ez bawer kena ke dapîra min zî serrên ke ez ameya dina Bekaayî de nêy pirtûkan teslîmî Rayver Apoyî kerda.”
Xoverdayîşê Dêrsimî Rojawanî de cuyeno
Dêrsimî dergeyîya qalîkerdişê xo de wina vat: “Min heta pola 9’an wend û Serra 2007’an de semedê xebat şîya Lubnan û heta 2011 ke Sûrîye de şer vecya ez weyra de menda. Dima ez agêyraya Rojawan û ziwanê xo ya maye zî mîyanê YPGe de bander bîya. Ez demoke mîyanê karêy sîyasî de menda û serra 2013’ê de beşdarê YPGe bîya. Beşdarbîyîşê min de keso ke min sero zaf bandor kerdo Endamê Konseya Rayverê KCKe Rustem Cudî ke Serra 2011’ê de bi hêrişê hewayî şehîd kewto yo. Min waşt sey tornê Nurî Dêrsimî ez mîyanê şorişî de ca bigîra. Ez semedê erjêy bawkalê xo tîya de ya. Dîroka xoverdayîşê Dêrsimî eyro Rojawan de cuyeno.”