2ê Teşrîna peyêne Roja Rojawanî ya Dinya yo û her serre xeylê cayan de hetê bi mîlyonan kesan ra yeno pîrozkerdene. Emser zî sere de Kurdîstan û Ewropa û xeylê cayanê dinya de ame pîrozkerdene. Çarçewaya pîrozkerdişan de Rojawanê Kurdîstanî de Qamişlo, Şehba, Reqqa, Dêrazor, Dirbêsîyê û sewbîna bajaran de bi hezaran kesî vejîyayî raşteyan û na roje pîroz kerde.
Ewropa de zî sere de Almanya, Îngilistan, Îskoçya, Swîsre, Fransa, Yewnanîstan, Îspanya, Swêd, Belçîka û sewbîna welatanê bînan de çalakîyê pîrozkerdişî ameyî viraştene. Reyna parzemînanê Asya, Amerîka û Avustralya de zî na roje ameye pîrozkerdene.
Çalakîyan de bale ancîyaye hêrişê dagîrkerîye yê artêşa Tirkî û çeteyanê ci ser û ame waştene ke wa hêrişî bivinderî. Çalakîyan de siloganî ameyî eştene, beyraqe, poster û pankartê cîya-cîyayî abîyî. Kesê ke çalakîyan de qisey kerdî, hêriş û dagîrkerîya dewleta Tirkî şermizar kerdî û qala yewîya neteweyî ya Kurdan kerdî.
BRUKSEL