Emserre bi boneya janê Koronayî do konfedarasyonê karker û kedkaran pîrozkerdişê 1ê Gulane bi girseyî organîze nêvirazî la do Qewetê Ked, Aştî û Demokrasîye yê Stenbolî do hetanî roja 1ê Gulane cayê cîya yê Stenbolî de bi aşkerayan waştişê xo bîyarê ziwan. Nê qewetê sazî û dezgeyê kedî pê yeno programê roşanê karkeran 1ê Gulane aşkera kerdê. Qewetê Ked, Aştî û Demokrasîye vengê paştdayiş û mucadeleyê 1ê Gulane heme karker û kedkaran kerdê û waştê do her kes cayê xo ra waştişê xo bîyaro ziwan. Tay aşkerayê do bêrî viraştiş wina yê: * 28ê nîsane verê Nêweşxaneyê Çapayî de saet: 12.30î de. * 28ê nîsane verê Şantîyeyê Fîkîrtepe Fortîsî de saet: 12.30î de. * 28ê nîsane verê Pîşesazîya Haramîderyeyî de saet:18.00î de. * 29ê nîsane verê PTTê Sîrkecîyî de saet: 13.30î de * 30ê nîsane Rêxistinê Cenîyan do Kazancîya Yokuşuyî ya Taksîmî de vîrardişê cenîya bivirazî, saet: 18.00 de * 30ê nîsane ya zî roja 1ê Gulane de vîrardişê plansazîya Kazancîya Yokuşuyî de bêro viraştiş do goreyê destûrê Walîyîya Stenbolî bêro dayiş, bêro viraştiş. STENBOL