Operasyonê Xezebê Firatî ke 5ê Teşrîna Peyêna 2016 de hetê Hêzê Sûrîyeya Demokratîke (HSD) ra ameybî destpêkerdiş, gam bi game ver bi azadîya Reqqa şono. Şerwanê HSDyî her roje hîna zaf aver şonî û çeteyî êdî sîvîlan sey qalxan xebetnenî.
Cinîyê ke çeteyan ra yenî xelisnayîş, bi coşêko gird û tilîlîyan şerwanan gênî verika xo. Babete ser o cinîyê ke destê çeteyan ra ameyî xelisnayîş, qisey kerdî.
Cinîyan ra Xedîce Asîme va ‘çeteyanê DAIŞî sereyê sîvîlan tira kerdênê û dima ra înan pêrodayîşan de sey qalxan xebetnayênê’ û wina dewam kerde: “Çeteyan destûr nêdayênê ke cinîyî keye re bivejyî. Eke bivejyayênê zî ganî cilanê sîyayan xorabidayênê û wina bivejîyayênê. Ti eleqeyê înan bi îslamîyetî çinêbî. Ma her şewe bi ters rakewtênê û weriştênê. Keyeyê ma rijnayî û ma herra ma ra dûrî kerdî. Keyeyê ke piştî nêdayênê çeteyan odeyê keyeyanê xo de ameyênê qetilkerdiş. Ewja de cuye çinêbî. Merg, birîne û rijnayîşê gonîye estbîy. Ma cuyêka winasî ra ameyî xelisnayîş. Ma hêvî kenî ke heme sîvîlî bêrî xelisnayîş.”
Şar HSD ra bawer keno
Meryem Ebêde zî wina va: “Heqê ma yê cuyayîşî ma dest ra ameybî girewtiş. Xelisîyayîş seba ma şansêko gird bî. Bextewarîya azadîye nîno ziwan. Şarê tîya HSD ra bawer keno. Ma zanî ke tena HSD seba azadî û xelisîyayîşî şarî şer keno.”
SORGUL ŞÊXO/ŞÛJIN- REQA