Kurdê ke bajaranê Tirkîya de cuyenî, hema vaje her roje raştê hêrişanê faşîstan yenî. Bitaybetî Kurdê ke bi ziwanê xo qisey kenî, raştê hêrişanê faşîstan yenî. Heta nika bi desan Kurdî no semed ra ameyî qetilkerdene û hendêna zî birîndar bîyî.
2 rojî verê Nêweşxaneyê Unîversîteya 18 Martî yê Çanakkale de seba ke bi Kurdî qisey kerdî, kesê bi nameyê Bedrîye Yaşli (71) û Ekrem Yaşli (74) raştê hêrişî ameyî.
Ekrem Yaşli wexto ke cinîya xo reyde Kurdî qisey kerdêne, kesêko bîno ke odeyê nêweşxaneyî de bi, reaksîyon nîşan da û va ‘Tîya Dewleta Komara Tirkîya ya’ û ode ra vejîyayo. Dima ke ode ra vejîyayo na reye zî pê şuşeyêkê soda hêrişê Ekrem Yaşliyî kerdo. Yaşliyî heman nêweşxaneyî de ame tedawîkerdene. Ame zanayene ke Buroyê Çanakkale yê Komeleya Heqanê Merdiman (ÎHD) rê muracat ameyo kerdene.
Xora yeno zanayene ke çend rojî verê nika ra 2 aşmî verê Adapazari de bi nameyê Şîrîn Tosûnî de Kurdêk seba ke Kurdî qisey kerdbi hetê 6 kesan ra amebi lînckerdene. Tosûn 50 rojî nêweşxane de mendbi û netîceyê ci de merdbi.
AMED