Êzidîyê ke aşma tebaxa serra 2014î de raştê hêrişê çeteyanê DAIŞî ameybî, koçê cayanê cîya-cîyayan kerdî û qampan de ameyî bica kerdiş. Rizgarkerdişê Şengalî ra dima grûbe bi grûbe agêrayîşê şengalijan dest pêkerd.
Qezaya Xanesorî ya Şengalî de hûmara agêrayoxan zêde ya û qeza hetê şervananê YBŞ û YJŞyî ra yena pawitiş. Babete ser o Azad Husen û Huseyîn Xelîlî ke keyeyê ci 23 kesan ra pê yeno û qampa Bacîd Kendalî ra agêrayî Xanesor, qisey kerdî.
Xelîlî qiseykeridişê xo de veng da şengalijan û wina va: “Çeteyî dewa ma talan kerdî, ber û şibakan şikitî û çîyêk nêverdayî. Ez şîya keyeyê xo yê Gir Izerî. Rewşa dewe zaf xirab bîye û ti gandarêk dewe de çinêbî. Dewe bîya sey mezelî. Şervanî ma pawenî. Veristîyê nê xirabeyan daxî qampan ra başêr î. Wa şarê ma biagêro erdê xo yo pîroz ser.”Huseno ke qampa Bacîdî ra agêrayo zî qala rewşa qampan kerd û dîyar kerd ke qampan de awe û cereyan çinêbî û ê şertê zehmetinan de cuyayêne.
ANF/ŞENGAL