Tevgera Civaka Demokratîk (TEV-DEM) û Rêveberiya Xweseriya Demokratîk li Kobanê, şehîdên meha Gulanê di civînekê de bi bîr anîn. ji Rêveberên TEV-DEM`ê ya Kantona Kobanê, Alî Kobanê di civînê de axivî û got:”Li her çar parçeyên Kurdistanê têkoşîna gelê Kurd li hemberî sîstema desthilatdar didome”. Civîn li hola Meclîsa Zagonsaz a bajarê Kobanê hat lidarxistin. Bi dehan şêniyên bajarê Kobanê, endamên saziyên Rêveberiya Xweser û TEV-DEM, Serokê Meclîsa Rêveber Enwer Muslim û cihgirta wî Bêrîvan Hesen, Serokê Desteya Parastine Ismet Şêx Hesen, Hevserokên Meclîsa Zagonsaz Fayîze Ebdî û NÎhad Ehmed tevlî civînê bûn.
Civîn bi bîranîna hemû cangoriyên azadiyê hate destpêkirin. Paşê, ji Rêveberên TEV-DEM`ê ya Kantona Kobanê, Alî Kobanê axivî û têkoşîna gelê Kurd a bi salan li hemberî sîstema desthilatdar û rolê şehîdan di vê têkoşînê de anî ziman. Alî şehîdên meha gulanê bi bîr anîn û wiha pê de çû:”Em di meha gulanê de 30 hezar şehîdên ku di nava Tevgera Azadiya Gelê Kurd de şehîd bûne bi bîr tînin. Heyanî roja îro jî li her çar parçeyên Kurdistanê têkoşîna gelê Kurd li hemberî sîstema desthilatdar didome û ciwanên Kurd bi lehengî canê xwe feda dikinʺ.
KOBANÊ