Ameyişê Tirkiye kişenê
Nuştox û şaîr Sûna Aras persa “Jew welato ke bedenê ceniyê ke amey qetilkerdiş teşîrbeno û domanî yenê kiştiş ameyişê ci esto?” kerd û aşkere kerd ke zihnîyetê AKP û Saray ameyişê Tirkiye kişeno. Aras vist vîrî ke qetlîamê ke Kurdistan de qewimenê zaf erjengî yê û qiseyê xo wina ramit: “Zaf janî ancenime, janî zey tifing açarnay zeriya ma û zey tifingî teqînenê. Qetlîamê ke Kurdistan de benê heyfgirotişê slogana ‘To nêkenime Serok’î yê. Qetlîamê gonîn yê raya ke şina Serokîn’î yê. Nêvanime Hîtler, çike Hîtler’î ravêrnay. Sûkê Kurdan bi tanq û topan bombevaran kenê.
Bibime adirê Kawa
Şaîr Âba Muslim Çelîk’î zî da zonayen ke, veriya seserran dûştê zilmê Dehaqê zalim de, adirê Kawa yê Hesinkar bi cewab. Çelîk’î vist vîrî ke pey lejanê Kurdistan û Rojhelatê Miyanî de qûwetê sermayedar estê û wina va: “Vera herb de vinderdiş deynê merdimatî yo. Goşê xo waştenanê şarî ra girotiş bêwijdanî yo.
Nuştox Nalan Çelîk zî da zonayen ke, bi ameyişê AKP ra piya zihnîyetê serdestî zî bî vêşî û wina va: “Qûwetê ceniyan AKP tersneno. Teybetî çiyê ke ceniyê Kurd kenê tersneno. Çiyê ke ceniyanê Kurd û qeçekan (doman) ra kenê ra mesaj danê pêrokîn ceniyan.
Qûwetê ceniyan AKP tersneno
Çelîk tekoşînê YPS-Jin silamî kerd û ard ziwan ke tekoşîn nuştiş, protesto, aşkerekerdiş niyo û wina va: “Tekoşîn eke hewce bikero koyan û sûkan de tekoşîn kerdiş o. Ceniyê Kurd tekoşînekê gird danê û marê benê omid. Çelîk peynî de vist vîrî ke YPS-Jin do zihnîyetê serdest welişno.
Şaîr Şenel Gokçe vist vîrî ke nuştox û şaîrî hetkarê haşitî yê û va, “ma îxtidara ke xo ser şîdet û gonî mird kena meşrû nêvînenê”. Gokçe da zonayen ke, şarê Kurd ronayişê Komarî ra heta na het tim û tim bi polîtîkayanê zext û zorvajî ra rî bi rî mendê û vist vîrî ke şarê Kurd zî dûştê nê polîtîkayan de hetê îdeolojîk de tekoşînê biyayiş da yo. Şaîr Gokçe diyar kerd ke îxtidara ke Tirkiye de ya xo zey welatê misilman vînena û vist vîrî ke, Hz. Muhammedî zî wextê herb de xendekî kinito, xendekî meşrû kerdo. Gokçe da zonayen ke xendekî raybazê bêguneh û meşrû yê xopawitenî yo û vist vîrî ke Kurdistan de huwiyayişê domanan vindî benê. Şaîrî peynî de aşkere kerd ke, huwiyayişê domanan dê tekoşînê pey xendekan de jîl bidê. Gokçe şaranê Tirkiyeyî ra waşt ke dûştê herbo ke Kurdistan de qewimeno de veng vejerê.
DÎHA/STENBOL