Wa her elewî seba ameyoxa xo vajo ‘Nê’

Cinîyanê elewîyan ra Şahîde Gunaydine û Tulîn Guneşe qala referandûmî kerdî û sebebê xo yê ‘nê’yî rêze kerdî. Gunaydine qiseykerdişê xo de va ‘ma dersê dînî nêwazenî, wa dersê dinî mufredat ra bêrî wedarnayîş’ û wina dewam kerde: “Ez seba ameyoxa welatî vana nê. Eke referandûmî de ya bivejîyo do Tirkîya ver bi kaosî şêro. Ma pelçîqîyayî, çin bîyî û ameyî qetilkerdiş. Cok ra ma seba ameyoxa doman û ciwanan vanê nê. Kesê ke welat îdare kenî, qesran de cuyenî. Ciwanê ma bêkar î, cinî û domanê ma zî yenê qetilkerdiş. Seba ke na rewşe bêra bedilnayîş cinîyê elewî vanê nê. Ez elewîyan ra zaf bawer a. Elewî demokrat û roşnvîr î.” 

Ganî meclîs û heq bibo 

BIBOHemwelatîya elewî Guneşe zî qiseykerdişê xo de qala zanayîşê komelî kerde û wina va: “Ganî komel bêro roşnkerdiş. Kesêk senî welat îdare keno? Ganî meclîs û heq bibo. Cok ra ez dîktatorî rê vana nê. Ganî azadîya ma nêra astengkerdiş û dersê dînî bêrî wedarnayîş. Dersê dînî de şitişê mezgê domanê ma yeno hedefgirewtiş. Eke domanê ma elewîtî bimusî do demokrat û azad bicuyî.”