Grevê Veyşanî yê tepişteyanê sîyasî ke 15ê Sibat ra tepya destpa kerdî, şêmigê krîtîk de yo. Hemserokîna Konseya Rayverîn yê KCK seba wayîrvejyayîşê çalakî veng da û waşt ke her ca de nûmayîşî virazîye.
Nûmayîşê Grevê Veyşanî ke 15ê Sibat ra tepya seba wedarnayîşê tecrîdê Îmrali û binlingkerdişê heqanê girotxaneyan de destpa kerd ramenê. Girotxaneyê Şakranî de roja 55., Girotxaneyê Sîncanî de roja 46., Menemen de roja 35., Wan de roja 34., Hêlwan, Trabzon û Tarsûs de roja 26. de yo.Rewşê tepişteyan merhaleyê krîtîk de yo. KCK bi îzahatekê nuştekî vengê nûmayîşan da.
Îzahatê Hemserokîna Konseya Rayverîn yê KCK de vistîya vîrî ke bi hezaran tepişteyê şoreşger, hemverê tecrîd, zextanê faşîst ê Îmrali û ser tepişteyan, xover danê. KCK va, ‘Tepiştey vera faşîzmî bêveng nêmendî, seba afirnayenê ciwîyayîşeke demokratîk û azad, ke zey bedel êşkenê canê xo feda bikerê, xover danê.
Vera faşîzmê AKP-MHP
Hemserokîna Konseya Rayverîn aşkere kerd ke prosesê referandûmî de, têkoşîna demokrasî yê şarê Kurd û şaranê Tirkîye de tepişteyê siyasî tewrê xo rafîna orte û wina dewam kerd: “Çike serdestîya AKP-MHP, kerdenê xo yê faşîstî, tewr vêşî zî Îmrali û zindananê bînî de vistîyo pratîke.Xoverdayoxê zindanî, bi rayîra nûmayîşa grevê veyşanî wazenê zextê ser Rayverê Şarê Kurd, hêrîşê vera Kurdan û demokrasî, biqedîye.”
Îzahatî de vajîya ke, eke xoverdayoxê zindanî seba Rayver Apo û şarê xo, cuya xo feda kenê, ganî ma zî zey şoreşger, demokrat û şar wayîrê çalakîya înan ke resyaya merhaleyê merdişî, bivejyê. KCK dîyar kerd ke ganî ewilî gencê Kurd hu pêrokîn şarê Kurd û quwetê demokrasî her ca de bi nûmayîşan desteg bidê tepişteyan û va: “Tenya Kurdistan de nê, ganî metropolanê Tirkîye û her ca de nûmayîşî bîrê viraşten.”
Hemserokîna Konseya Rayverîn yê KCK da zonayen ke Rayverê Şarê Kurd Ocalan, şehîdî û tepişteyê ke zîndanan de yê xetê înan yê sûr ê aşkere kerd ke hêriş û tecrîda Îmrali û zindanan, hêrîşa hemverê pêrokîn şarî ya. KCK va, tepiştey, rûmetê têkoşîna azadî û demokrasî yê û ganî her ca de wayîr bîro vejîyayîş.
‘Ma xoverdayîşî selamî kenê’
Îzahatî de veng dîya çormeyanê sîyasî û demokratîk, sazgehanê heqanê mordeman, sazgehanê demokratîk, roşnbîr, nuştox û pêrokîn kesê wayîrê wijdan, lazim o wayîrê xoverdayîşê zîndanan bivejyê û wina va: “Wayîrvejyayîşê xoverdayîşê zîndanan, wayîrvejyayîşê weşîya azad û demokratîk o. Heta ke mordem ver zextanê zindanan de nêvejyo, mimkûn nîyo ke têkoşîneke ortex ya serbestî û demokrasî bîro ramiten.” KCK xoverdayîşê tepişteyan selamî kerd û sozê ca ardîşê waşten û xeyalanê tepişteyan da.”
Seba destegdayîşê Grevê Veyşanî, 13ê Nîsane de, ver banê CPT yê Strasbûrg de nûmayîşeke merkezî virazîyeno.
ANF/BEHDÎNAN