EVRÎM KEPENEK/ŞÛJIN/AMED
Her çiqas ke muxalefet vera ci de vejîya, reyna zî pêşnîyazê qanûnî ke hetê nifusî de bedilîyayîş virazeno, pêşkêşê Meclîsî ame kerdiş. Bi nê qanûnî selahîyetê birnayîşê mareyî dîya muftîyan. Reyna bi nê qanûnî personelî eşkîyenî bêrî taqîpkerdiş û domanê ke newe yenî dinya, bi hawayo fekkî xebere dîyena mudurîyanê nifusî. Babete ser o Avûkate Ceren Şîmşeke qisey kerde.
Şîmşeke va ‘no bedilîyayîş newe nîyo, verê zî çîyê winasî hewl dîyaybî bêrî kerdiş, labelê seba ke komel qebul nêkerd, tepîya antî. Bi nê qanûnî wazenî emrê şenikî de zewajan zêde bikerî. Netîce de do îstîsmarê domanan zêde bibî. AKP hewl dano pêşnîyazê ke do îstîsmarî zêde bikerî, bîyaro vernîya ma.”Şîmşeke dewamê qiseykerdişê xo de dîyar kerde ke ‘no çinîhesibnayîşê cinî yo’ û wina dewam kerde: “Bi no hawa keynekî do ser nifusê pîyê xo de bêrî nuştiş. AKP wazeno qeydeyê şer-î huqûqî awan bikero. Xora bi serran o AKP wazeno çîyêko winasî bikero. Eke muftî mare bibirno, no yeno manaya mudaxale û pelçiqnayîşê cinîye. No zî do bibo sebeb ke êdî qala tacîz û tecawizî nêro kerdiş. Ma nêzanî ameyoxe de do hîna zêde selahîyetî bidîyî muftîyan an nê? No parçeyêk mudaxaleyê cuya merdiman o.”