Dijî hêrişê polîs û lejkerê hukimatê AKPe şarê kurd xopawitişê rê dest pê îlankerdişê xorayîrberdişî kerd labelê nê îlankerdişê xorayîrberdişê hukimatê AKP gêj kerd û no ser zî lejker û polîsê papol û kûçeyan de bila semed doman, cenî, ciwan û extîyarê şarê kurd qetil kenî. Qewimyayişê peynî û xopawitişî ser Endama Koordînasyonê Komalê Ciwan Şîmal Ulkem Guneş qise kerd.
AKP şaşîya gird kerd
Endama Koordînasyonê Komalê Ciwan Şîmal Ulkem Guneş vat ke hukimatê AKPe 24’ê temmuze şaşîya xo ya gird kerd û dest pê bi fermî şer îlan kerd û wina vat: “Dijî no şerî şarê Kurdistanî û gerîlayê azadî yê Kurdistanî zî ser bingeyê pawiyayişê rewa wayîrê heqê xoverdayişî de yî. Xo ser no bingeyê xoverdayiş ame nîşandayîş. Ciwanê Kurdistanî zî seba pawitişê şarî dijî teror û hovîya polîsê AKPe, kewtê rewşê xopawitişî. Ê zî xoverdayişê pawitişî ya ciwanê Kurdistanî silam kenî.”
Refleksê xozaye
Endama Koordînasyonê Komalê Ciwan Guneş aşkera kerd ke xopawitiş dijî hêrişan, refleksê xozayî ya her merdimî yo, nêzdîbîyîşeke xozayî ya pawitişî yo û wina dewam kerd: “Eke verba hêrişan hewldayîşeke eciqnayîşê bibo, şima nêçar î xo bipawî. No heq, heqê demê mayaxorabîyîşî yo. Seba her merdimê azad, bi qasî nan û awe muhîm o. Pawitiş nêbo, teslîmîyet beno, eciqnayîş beno. Merdimekî bêpawitiş merdimeko merde yo.”
Guneş ciresna ke ciwanê Kurdistanî zî êdî fina yê verî nêyî, her demê zafêr rayvistişî, her demî ra zafêr hadre û wayîrê bawerîya rayverî yî û no ser zî muhîm o ciwanê Kurdistanî dijî terorê dewlete ya Kurdistanî, xo û şarê xo bipawî. Ciwan îradeya xopawitişî ya şarê kurd temsîl kenî, no ser zî bingeyê her cenîya ciwan, her xortê ciwan wa verê xo bidê cepheyê xoverdayîşî û beşdarê rewşê pawitişî bibî û êdî rayîr nêdî dewleta tirk a dagirker.
Tevgera azadîyî
Guneş da zanayîş ke hukimatê AKPe û dewleta tirk a mêtinger bi israr hewl danî îspat bike ke mîyanê şaristanan hêzê çekdar estî û pêkewtiş mîyanê di hêzan de qewimyeno û wina dergeyî da qiseyê xo: “La no zî zûrê dewleta tirk a. Ewro papolê Botan, Serhed û Amedî de ciwanê şorişger û welatperwer ê şarê xo dijî teror û zilmê dewlete pawiyenî û xopawitiş kenî estî. Şar zî paşt ciwanan de xover danî. Zey ke yeno zanayîş pêroyîya dinyaye, seba têkoşînê ma yê dijî DAIŞe, ma bikişî mîyanê şer. Bi no rengî hewl dano şero ke dayo destpêkerdiş rewa bikero û têkoşînê azadîyî ya kurd çin bikero.”
Zirar medê mal û canî
Guneş tewr peynî îzeh kerd ke wa ciwan her raşteyê çalakîyê hera bivirazî û wina bi peynî kerd: “Labelê muhîm o, çalakîyê zirarê danî can û malê şarî, nêrî viraştiş. Ma têkoşînê azadîyê ya şarekî meşnenî. No ser zî wa bi ti awayî çalakîyeke şenik a zirar bido şar, nêro kerdiş. Finak; çalakîyê veşnayişê otobusan ame kerdiş, ma na çalakî rexne kenî. No ser zî ma çalakîyek heqdar bivirazî ke verba şarê xo de nêheq nêbî. Ma aşkera vanî; wezîfeya demî ya ciwanê Kurdistanî xopawitiş û pawitişê xorayîrberdişî yo.”
ROJ AMED/ANF/BEHDİNAN
Konê xoverdayîşî ra ver bi koyan
Gerîla Brûsk Guyî yê konê xoverdayîşî yê seba Kobanê amebî ronayîş de beşdarê PKKe bibi, vat PKK seba şarê bindest ê dinyaye, rayîrê xelisnayîş û bîyîşî yo. Guyî veng her kesî kerd ke wa xo, xo bi xo pawitiş rey rayvistiş bikerî.
Nêzdîbîyîşek nîşan danî
Guyî wina vat: “Ez bîya şahidê terteleyan, bîya şahidê nêrazîbîyîşê şarî, min bi destê xo cenazeyê merdimê ke Roboskîyî ameybî qetilkerdiş hewana, min bi destê xo cesedê bi parçe kerdeyî kom kerd. Min dejê merdiman Roboskî de dî. Roboskî de hovîtîyeke ame kerdiş dijî merdimayî bî.”
Guyî aşkera kerd ke gelo kam nê terteleyî kenî û kam paştê danî înan? Kesek verba bivejîyo, kesek nêzdîbîyîşeke dijber nîşan dano? Di na babete de hewldayîş û tevgereke xurt a dorûverê muxalîf ê Tirkîyaye çinbî û Bi tena ser çapemenîyî ra şermizar kerdî, ganî dijî nê qewimyayîşan, kes-hêz vengekê berz nişan bidaynî la çew nêkerd. Homa ra êdî dijî nê qewimyayişê şarê Tirkîyaye bertek mojneno û têkoşîn dano, êdî dem demê xorayîrberdişî yo û çarçiweya xorayîrberdişî zî şar ganî hêzê xo yê xopawitişî saz bikerî.
BEHDÎNAN