ROJA AYDIN / JINNEWS/ŞIRNEX
Verba polîtîkayê asîmîlasyonî yê ziwanê kurdî, xebatê averberdişê zêdîyênî. Cenîyê Cizîrî yê Şirnexî bi keye û kuçeyan de qisekerdişê ziwanê kurd, ziwanê xo ra wayîr vejîyenî.
Sumeyra Can aşkera kerd ke tesilî çew ziwanê xo vîra nêko, keye û kuçeyan de bi ziwanê xo qise bikê û musayişê kurdî ser têkoşîn bidê û wina donma: “Merdim çiqas ziwanî bizano rind o la tesilî ziwanê xo vîra nêko. Çi heyfo ke zaf malbatî keyeyê xo de tirkî qal kenî û kanalê tirkî seyr kenî. No ser domanî asîmîle benê. Ganî ma keyeyê xo kurdî qise bikê û kanalê kurdî seyr bikê.”
Verba ziwanê dayîke zordarî
Meryem Kara zî aşkera kerd ke ê keyeyê xo de domanê reyde kurdî qise kenê, çimkî ê kurd î û ziwanê kurdî ziwanê dayîka înan o û wina vat: “Domanê ma dibistanê tirkan tirkî musenê. Ma wazenê dibistanan de kurdî bêro musayiş. Ziwanê dayika xo musayiş zaf bi weş o û mecburkerdişê ziwanê tirkî zî şaş o.”
Perîhan Ok zî pare kerd ke ziwanê dayika înan kurdî yo û no ser tesilî ziwanê xo ra wayîr bivejê û wina peynî kerd: “Encax bi wayîrvejyayişê ziwanê xo aver şonê. Ganî ma domanê xo reyde bi kurdî qise bikê. Ziwanê Kurdî rûmeta ma yo. Ganî ma ziwanê xo reyde qise de israr bikê û ma wazenê bi ziwanê xo perwerde bivînê.”