Piştî ku hikûmeta AKP'e diyar kir ku dê hezar meleyên kadro bidin herêmê niqaşan jî dest pê kir. Wezîrê dewletê Bekîr Bozdag, piştî diyar kir ku dê Wezareta Diyanetê dê hezar meleyî li herêmê bi peyman wekî kadroyên dewletê peyvirdar bike meleyên ku berê ku peyvirdar bûn û hatin sirgûnkirin bertek nîşan dan. Endamê DÎAYDER'ê Celattin Yoyler, bertek nîşanî projeyê da û anî ziman ku ev proje ya Fethullah Gulen e. Yoyler, da zanîn ku hikûmet û Fetullah dixwazin gelê Kurd ê li Kurdistanê li gorî xwe perwerde bike û rastiya îslamê li gorî feraset û bîrdoziya xwe peş bixe. Yoyler, da zanîn ku gelê Kurd êdî bi van lîstikan naxape.
Endamê DÎAYDER'ê Mele Ekrem Baran jî bertekên xwe anî ziman hikûmet bi van poltîkayan dixwaze gel bixapîne û wiha axivî: "Hikûmeta AKP'ê ger ku dixwaze di dîroka Kurdistanê de cih û girîngiya medreseyan zanibe bila biçe lêkolîn bike. Di dîroka Kurdistanê de cihê ol û medreseyan gelek mezin e. Mele Tayrî, Feqiyê Teyran kesên li medreseyan perwerde bûne û li gorî çanda wan mezin bûne. Em dizanin ku armanca AKP'ê cuda ye û xapandina gel e. Ev projeya AKP'ê ye û ji bo xapandinê ye."

'AKP polîtikayên bişaftinê dimeşîne'
Endamê DÎAYDER'ê Mele Ekrem Soylu jî anî ziman ku cihê medreseyan di nava Kurdan de cihekî girîng digire û wiha axivî: "Hezar sal berê medrese ji bo Kurdan wekî zanîngehê îro bûn. Hemû ilmên olî, zanistî û civakî li wir dihat dîtin. Lê di salên 1970,1980 û 1990'an de bi hinceta bi Kurdî weaz dane ji peyvirêhatin girtin û hatin sirgûnkirin. Pişt re liser navê meleyan polîs, leşker û mirovên xwe şandin herêmê û her tişt belavkirin. Ev lîstik û polîtîkayên AKP'ê yên perçekirin û tevliheviyê ne."


 STENBOL