Li Wanê piştî erdhejên mezin nêviyê nifûsa Wanê bajar terk kirin û berê xwe dan bacarên derve. Nêviyê welatiyên Wanê jî li gel zor û zahmetiya jiyana di çadiran de dîsa biryar dan ku bajar terk nekin û li dijî zahmetiyan têbikoşin. Welatiyên ku bajar terk kirin û çûn bajarên rovaja rastî gelek zor û zahmetiyên din yên dijwar hatin. Welatiyan man jî li dijî sir û serma û birçûbûnê têkoşînek dijwar didin. Welatiyên ku bajar terk nekirin û li dijî zahmetiyên xwezayê têdikoşin, bi biryarin ku heta dawî di ber xwe bidin. Pişti erdhejê rêjeya betalî û xizaniyê hêj zêdetir bû. Karkerên ku di Sûka Emeleyan de dixebitin piştî erdhejê jî dîsa li kahwexaneya sûkê kom dibin û rojên xwe derbas dikin. Karkerên ku berê rewşa wan baş bû, niha jî rojê bi 20 û 40 TL alav û amûrên welatiyan bar dikin û cihê wan diguhezin.

'Em Wanê terk nakin'
Ji karkerên ku li Sûka Emeleyan dixebite Engîn Sayan, anî ziman ku ji ber cil, berg û pêlav ji zarokên xwe re nekirîye zarokên wî pêxwaz digerin. Sayan, da zanîn ku erdhejê bandorek pir xerab li ser wan çêkir û li gel hemû zor û zahmetiyan dê heta dawî di ber xwe bidin. Sayan, da zanîn ku rayedarên dewletê ji bo wan ji Wanê derxe heqê rê dide wan û wan li bajarên derve bi bicih dike, lê ew dê Wanê terk nekin.
Hemalê bi navê Abdukbaki Kaya ku 22 salin li heman sûkê hemaliyê dike da zanîn ku ji ber zêde tirk û xof li Wanê belav bûye gelek kes ji tirsan koç dikin û wiha got: Min 22 salên xwe di hemaliyê de derbas kir. Niha em di baraka û çadiran de dijîn. Em dê li gel hemû zahmetiyên jiyanê Wanê terk nekin.

'Me cilê sivistanî ji zarokên we re nekiriye'
Welatiyê bi navê Dîndar Ozalp, jî da zanîn ku erdhejê bandorek pir xerab li ser wan û zarokên wan çêkir û ji ber erdhejê cilên zivistanî ji zarokên xwe re nekirîye. Ozalp, destnîşan kir ku ew bi cil, berg, nivîn û erzaqên ku welatiyên bajarên din ji wan re şandine pêdiviyên xwe dibînin û xwe germ dikin. Ozalp destîşan kir ku weha ev meha zor û zahmet derbas kir, dê ji niha û şûnde jî Wanê terk nekin û di ber xwe bidin. Ozalp xwest welatiyên din jî Wanê terk nekin û di ber xwe bidin.


FERHAT ARSLAN - DÎHA/WAN