Piştî Navenda Çanda Mezopotamyaye hat avakirin, bi boneya li her derê xebatan bide meşandin li gelek bajarên din jî navendên çandê vekir. Di berdewama xebatên çandê de li Amedê jî di sala 2003'an de Navenda Çandê ya Dîcle û Firatê hat avakirin. Têkildarî xebat û dîroka Dicle û Firatê Endamê Komleyê Hunermend Farqîn wiha got: "Komeleya Dîcle û Firatê ku di sala 1991’ê li Stenbûl’ê, 1993’ê li Amed’ê û li gelek cihên cuda weke Navenda Çandê ya Mezopotamya dest bi xebatên xwe yên çandê kirin. Navenda Çandê ya Mezopotamya ku bi çendin car hat girtin. Lê belê rexmê hemû zorî û zehmetî û êrîşan vê Navenda Çand û Hunerê xwe li ser lingan girt û di hemû aliyan de Kar û xebatên xwe yên Çandên dan meşandin."


Wekî tevna jiyanê
Farqin bal kişand ser dîroka Dîcle û Firatê û wiha got: "Piştî ku Navenda Dîcle û Firatê li Stenbûl, Amed û gelek cihên cûda vebûn bi çendin caran rastî êrîşan hatin û hatin girtin. Navenda Mezopotamya piştî ku hat girtin di sala 2003’an de weke Navenda Dîcle û Firat’ê dest bi xebatên xwe kir. Farqîn da diyar kirin ku di sala 2008’an Komeleya Dicle Firatê xebatên xwe bi dirûşma 'Huner Lêgerina Heqîqetêye' xebatên şano muzuk govend û hwd dimeşîne."
Hunermend Farqîn, destnişan kir ku gelek dewreyên perwerdên niha tên dayin û wiha got: "Bi giştî 100 ciwan me hene ku weke ciwan em pêşe roja xwe dibinin. Her wiha Koroya Gelên Mezopotamya, Mala Dengbêjan ku dibin sêwana Komeleya Dîcle û Firatê de ye. Farqîn da diyar kirin ku bi giştî 300 xebatkar û 22 Kom û Hunermendên Kesî ku dibin sêwana Komeleya Dîcle û Firatê de xebat didin meşandin hene. Li Amed’ê Komeleya Dîcle û Firatê bi gelek saziyên din yên cûda yên weke Aram Tigram, Cigerxwîn ku Konsatuwarên wan ji hene re dixebitin."  
Farqîn, herî dawî bang li ciwanê Kurd kir û wiha got: “Pêwiste ciwanê me xwe ji çanda sîstemê dûr bixe, sîstemê heya niha hebûna Kurdan ne pejirandiye. Li hember sazî û dezgehên Kurdan êrîş dike. Sîstem çand û zimanê me qebûl nake û çande wiha re xebat kirin şaşe û ez bang hemû ciwana dikim ku berê xwe bidin çanda xwe û hewil bidin çanda xwe dewlemend bikin.



OMER ÎKE/DÎHA/AMED