Emîr ke pêrokîn qise û muzîka klamanê xo eve xo virazeno, bi nayî wayîrê kirmanckîya ke bin talokeyê vindîbîyayen de ya rê vejyeno. Klamanê hunermendî de xemgîniya dûrmendişê hardê xo, wêranîya Dersim û vîra welatê xo ano zon.
‘Beref tarîfê bîyayişî yo’
Albumê newî ‘Beref’ yê hunermendî 5 serran ra dima, bi kilam, vatiş, muzîk û hîsekê newî vejîya. Emîr persa ‘Çima Beref’ rê cewabê; ‘Beref’ cayo ke bîyayiş destpa keno û herikyeno wextî yo. Tarîfê bîyayişî yo’ dano. Hunermend vano hetê mekanî de hardê derwêşî îfade keno. Albumî de klamê jê ‘Bawo’ ‘Nêbeno’ û ‘Ware’ sanikê goçî, dej, wêranî û vîrakerdisê hardê xo anê ser zon. Pêro albumê hunermendî de xemgînî yeno hîskerden. Çimeyê neyî kî hunermend janî îşaret keno û vano, şar û îtiqatê qedîm ke bi se serrano rayanê goçî der ê heybeyê xo de her daîm dejî bar kenê.
’38 dejekê teze yo’
Hunermend Emîr dano zonayen ke tesîrê ’38î ser xemgînîya nifşanê newî de esto û nîya dewam keno: “Tertelê tarîxê nejdî de qewimî, cok ra hona vîrê herkesî de dejekê teze yo. Organîzasyoneke faşîstîn bi. Pîyê mi pêrokîn wa û birayê xo, pîyê xo qirkerden de vindî kerd. Emrê domanîya xo de eve maya xo tenya mend.”
Derheqê muhîmîya zonî ser o hunermend aşkere keno ke civakeke şiklê bîyayişê xo zerreyê xo de bi eleqeyê zonayiş û manevîyatê xo de aşkere keno. Emîr dano zonayen ke goreyê wextanê verên wayîrvejyayişekê hona gird yê zon, kultur û îtiqatî esto. Hunermend hewcedarîya ronayişê cayanê newî yê serva raveyberdişê zon û senatê civakî ano ser zon û îşaretê îdareyanê heremî keno.
NAVENDÊ XEBERAN