Dozgerê komare ya Çewlik îdîanameyê 4 kesê ke dewa Simsor ê Çewlik de amey tepiştiş amade kerd. Dozgerî vatena 'Mi aşnawite' yê şahîdê nimite zey delîlê sucî qebul kerd.
Dozgerê komare ya Çewlik îdîanameyê 4 kesê ke dewa Simsor ê Çewlik de amey tepiştiş û rişnîyay Girotxaneyê Tîpa T ê Wanî, amade kerd. Dozgerî vatena şahîdê nimite "Kara" yê 'Mi aşnawite' zey delîl qebul kerd. Herzewbîn rengê keske, sûr û zerd ke keye de amey vînayen zî zey delîla sûcî amey vînayen.
3'ê Nîsane de leşkeran eştî dewa Simsor ê Çewlik ser û welatijê binameyê Huseyin Morkoyun, Emrah Morkoyun, Vedat Morkoyun û Omer Koç bi îdîayê “Endamîye rêxistine” amey tepiştiş. 4 kesê ke sewqê mahkeme bî û amey tepiştiş, rişîyay Girotxaneyê Tîpa T ê Wanî. Dozgerê komare ya Çewlik îdîanameyê 4 kesan amade kerd û ruşna Mahkemeya Cezayê Giran ê Çewlikî. Dozgerî vatena şahîdê nimite "Kara" yê 'Mi aşnawite' zey delîlê sûcî qebul kerd û kerd sebebê tepiştişî. 10 kesê bîn ke ser vatişanê 'Mi aşnawite' yê "kara”yî de ameybî tepiştiş zî, prosesê mahkemekerdişê înan rameno. Dozgerî herzewbîn rengê keske, sûr û zerd ke keye de amey vînayen zî zey delîla sûcî qebul kerd.
‘Mi aşnawite’ ke…
Şahîd "kara” îfadeyo ke ser Omer Koçî de da de hina vato: ‘Mi aşnawite' ke Omer Koçî 4 endamanê rexistine ardî veyveyê Vedat Morkoyunî. ‘Mi aşnawite' ke Huseyin Morkoyun û H.M, S.M û A.Y şinê wareyan û endamanê rêxistinî rê erzax benê. ‘Mi aşnawite' ke S.M, lajê E.M seba paştîdayîşê rêxistine eşrawito Kobanê…”
Sucdar kerdenê bê kok
Welatijan ra Vedat Morkoyunî îdianame rê nêrazîbîyayîş damûsna û dîyar kerd ke tu delîlê zelal (somut) û teqez çin o û hina va: “Çiyek çin o. Bi aşmano ma nêheq tepişte yê. Tenya seba vatişê şahîdo nimite ya Mi aşnawite' ma tepişte yê. Senî beno ke aşnawito û nêdîyo.2014î de Newroza Amedî de resîmê mi antê û zey delîl vejenê vernîya mi. Nê polîtîkayî komkiştena sîyasî yê ke ferzê şarê kurd benê yê. Rîwalê nê sucdar kerdenan bê kok bi hezarî gencê kurd ewro tepişte yê.”
Rengî bî sebebê ‘Endamîye rêxistine’
Huseyîn Morkoyunî zî nêrazîbîyayîşê îdianame da û ard ziwan ke rîwalê renganê saeta ci ya keye, poşî û kincê (çina) ci yê keye yê keske sûr û zerde zey delîlê sûcî amey damûsnayîş. Morkoyunî bi persa “Senî beno ke nê rengî yenê qedexekerdiş” hêrsê xo damûsna û va, “Wa her kes bizano ke ez bi sebebê renganê keske sûr û zerde zey ‘Endamîye rêxistine’ ameya sucdar kerdiş.
DÎHABER/WAN