Seîdê Xelatê daxuyaniya Prof Dr. Ahmet Akgunduz a dabû Rojnameye Zamanê rexne kir û wiha got: "Ez kesê ku qaşo dibêjin em zanist û aliminin û rastiya berovajî dikin rexne dikim. Ev alim û rektorê zanîngehan xeberek derew belav kiriye û dibêje Seîdê Nûrsê ne Kurd e. Dibêje Seîdê Nûrsî ji zuriyeta Hz. Muhammed Pêxember e û ji seyîdan e. Mebesta wan ne ewe ku Bedîulzaman Saîdê Kurdî mezin bikin. Memesta wan ewe ku naxwazin Seîdê Kurdî wekî alimê Kurd nîşan bidin. Tehamul nakin ku yeki wekî Seîdê Kurdî ku dinava civahê de bi ilmê xwe nav belav kiriye ji Kurdan bin û niha nasnameya wî diguherin û wekî ji zuriyeta Hz.Muhammed didin nîşan. Ev polîtikaya înkar û îmhayê ye. Çavê wan bar nabe ku Saîdê Kurdî Kurd be. Dixwazin der barê agahiyên Seîdê Kurdî agahiyan şoli bikin."


'Werin em di televîzyonan de niqaş bikin'
Mele Seîdê Xelatê bang li van kesan kir û wiha axivî: "Ez dixwazim ku ev kesên alim û zanyarên Kurd reş dikin werin tev li bernameyak zindî ya televîzoyekê bibin û em lihemberî cimhetê zindî niqaş bikin bê Sedîkê Kurdî Kurd e ya na. Seidê xelasê bang li hemû gelê Kurd kir û xwest bi derewên van kesan neyên xapandin û rastiya xwe û dîroka alimên xwe baş lêkolîn bikin û baweriyê ji van kesên derewan belav dikin nekin. "

'Kurd e û ji Nûrsê ye'
Seîdê Xelatê, destnîşan kir ku Seîdê Kurdî ji gundê Nûrsê ya Bedlîsê ya Kurdistanê ye û Kurd e û wiha dawî li axaftina xwe anî: "Hemû Sulaleya wî ji Nûrsê ye. Ger ku kesên dijberî vê yekê îdîa dikin û dibêjin Seîdê Kurdî ne Kurd e, bila werin em biçin wan derxin pêşberî hemû gundiyên Nûrê û rûsipeye gund û bila ew sulaleya Saîdê Kurdî vebêjin. Ew jî dê bêjin bav û kalên Saîdê Kurdî bi hezar salan li Gundê Nûrsê mezin bûne û jiyana xwe derbas kirine. Mendiq û awil jî vê yekê dibêje. Lê kesên çavnebariyê dikin û xwedê mejiyê wan kor kiriye êdî nikarin rastiyê bixwînin."

DÎHA/AMED