Ronî War, anî ziman ku wêjeya nivîskî ya Kurdî li gorî berê gelek pêş ketiye. War, anî ziman ku Kurdî di aliyê nivîskî û giramerê de gavên gelek pêşketî avêtine û wiha got: "Heta niha min 10 pirtûkên lêkolîn, 2 werger, 4 roman û 4 çîrok çap kirin. Min di dema berê de ji bo lêkolîn û lêgerînê gelek zahmetî kişandin. Ji ber ku berhem zêde tune bûn. Lê êdî berhem û lêkolînên nivîskî yên Kurdî zêde ne."

Kurd li zimanê xwe xwedî derdikevin
War, anî ziman ku ji ber êdî Kurd li zimanê xwe xwedi derdikevin û wiha got: "Kurd êdî li zimanê xwe xwedî derdikevin. Li ser ziman lêkolîn û lêgerîne dikin. Niha ji bo zarokan lêkolîn û lêgerînen me hene. Hêzên serdest her tim ji bo Kurdan asîlîme bikin û ji ziman dûr bixin di n ava hewldanan de ne. Lê Kurd li gel hemû zext û êrîşan dîsa li zimanê xwe xwedî derdikevin. Divê nivîskarên Kurd ji bo zarokên Kurd çîrok, helbest û berhemên din amade bikin. Em jî wekî weşanên AVA projeyan amade dikin. Em li ser destanên Kurdî ji bo zarokan lêkolîn dikin. "
War da zanîn ku eleqeya li hemberî weşanên Kurdî hêza wan û heviya wan a ji bo Kurdî xurttir dike.


 ANF/EDENE