Qeseykerdisê rakerdene Hemseroka Kongra Gel Hacer Zagros kerd û şehîdanê şoreşî, Rayverê Şarê Kurdî Ocalan û şar selamî kerd. Qeseykerdisê rakerdene ra dima bi kurdî, erebî, farsî û tirkî sond ame wendene. Kongre bi munaqeşekerdişê ser rojdema sîyasî û raveyşîyayişan dewam kerd. Sernûsteyî qeseykerdisan de kî tîvarî, weşî û serbestiya Rayverê Şarê Kurdî Abdullah Ocalan est bî.


Bloka faşîst ya newî ronîya 

Mudaxaleyê Rojhelatê Mîyanî ame qiseykerden û na mudaxale bi Komployê 15ê Sibat  dest kerd ci. Herzewbîn hayr ancîya kaoso ke Tirkîya de yeno ciwîyayene ser û wina vajîya: “Sernêkewtişê derbe ra dima, no reynî zî Erdoganî bloka faşîst, faşîzma şa, sipî û gewe ard têhet. Verra şarê kurd û qûwetanê demokrasî jû cephê hêrîşî nayî ro.’’

Roza hîrêyîn yê kongre de 3ê Tebaxe qirkerdena Şengal ame vîrardene. Vîrardene de azayê PADE Hecî Hesen qiseykerd û xoverdayişê Şengal sero vinet. Kombiyayis bi weçînitisi rayverîna newe dewam kerd.

Netîceyê weçînitisan de Hacer Zagros û Remzî Kartal newe ra serva Hemserokîya Kongra Gel ameyî weçintene. Onca 34 kesê ke nîmeyê ci cenî zey Azayê Konseya Rayverîn yê KCK ameyî weçintene. Serva Hemserokîya Konseya Rayverîn yê KCK zî  newe ra Cemîl Bayik û Besê Xozat ameyî weçintene.


Wextê qiseyan nê, wexte karî yo 

Qeseykerdisê guretena Kongre kî hetê Cemîl Bayik ra bî. Bayikî qiseyanê xo de hayr ant têkoşînê şarî ser û va endî wextê qiseykerdişî qedîya û nîya va: “10. Kombîyayisê Pêroyîn yadê hevalanê mayê şehîd yê Şengal, Rojawa û têkoşîna xorayverîn yê Vakûrê Kurdistan kon. Endî qiseykerdis qedîya. Wext ser qeraranê kongre de kar kerdiş o. Wextê qisey nê, wexte karî yo.” 

Bayikî da zonayene ke bîyayisê ke Rojhelatê Mîyanî de yenê ciwîyayene dormê Ocalanî de şekil cenê û va: “Na rîwal ra xeta Rayver, dest guretena ci, felsefe û terzê gurenayisê ci esas bero guretene. Avê şîyayene û serkewtina ma naya giredayîya. Kombîyayisê Pêroyîn yê 10. binê şîya serestisanê qirkerdene de virajîya û bi serkewtişî netîce bi. Bayikî bi nê vatişan qiseyanê xo qedîna: “Jê serra peyene nayê ra tepîya ke herb pêro giranîya xo do biramo. Tarixê ma musnayo ke, şarê ma sero her tim qetlîamî amey ramitene. Ge ge jêde û sênik bîyo, hama qeyta nêvineto. Nayî ra zey ke Rayverîya ma kî va, ‘Rêxistin bîyayene, xopawitene, her waxt karê sifteyîn o.” 


 ANF/BEHDÎNAN