Hepsîyo sîyasî Ramîn Hisên Penahî ke hetê rejîmê Îranî ra cezaya îdamî dîyaybî ci, hewl dîyeno bêro îdam kerdene. Hêzê girêdayeyê Îranî heta nika çend reyan hewl dayî ke Penahîyî îdam bikerî.
Vera îdamî de kampanyayê tewir bi tewirî dîyayî dest pêkerdene. Nînan ra yewe zî kampanyaya îmzeyan ke Rojhelatê Kurdistanî û Îranî de dîyaya dest pêkerdene ya. Çarçewaya kampanyaye de heta nika 10 hezar îmzeyî ameyî arêdayene. Badê ke îmzeyî ameyî arêdayene, muracatê rêxistinanê heqanê merdiman ame kerdene.
2 rojî verê mektûbêk raya pêroyî rê ame aşkere kerdene. Mektûbe de bale ancîyeno prosesê mehkemekerdişî yê Penahîyî û ameyo vatene ke Penahîyî sucan red kerdo. Mektûbe de ameyo vatene ke ceza hetê muhafizê şorişî yê Îranî û Wezaretê Îstîxbaratî ra dîyayo Penahî. Mektûbe de qala kesê ke beşdarê kampanya bîyî, ameyo kerdene û ameyo vatene ke nêyî na ceza sey zext û tedayan vînenî, cok ra beşdarê kampanya bîyî.
ROJNEWS/SILÊMANÎ