Serva rojnamavaniya kurdî ke cayê Azadiya Welat zovîna wo. Jê mekteb xeylê kesî naca ra resayî. Rojnama û gurekarê ci bi serran binê nêqiyanê dewlete de rê. Hata nika 9 reye ame guretene. Xeylê gurekarê ci ke riyê rojnamavaniye rê zîndane de rê. Mudurê Karê Nûsteyan yê Azadiya Welat Rohat Aktaş û vilakerdoxê rojnama Omer Baran xoverdayişê xorayverîn yê Cizîr de, onca vilakerdoxê rojname ra Îlyas Turkan xoverdayişê Nisêbîn de hetê qûwetanê dewlete ra ameyî qetil kerdene. Rohat Aktaş heremanê xoverdayiş ra şar rê zonayisanê germ vila kerd.
Ma rojnameyê şarî yê
Edîtorê Rojname Ramazan Olçen aşkere kerd ke qeyta pey raştîyan ra fek nêverdanê û vano ‘ma rojnameyê şarî yê. Rojnama Azadiya Welat her tim jê saziyanê bînan yê çapemenîya serbest her tim virnîye de lewe şarê xo de caguretene hedef kerd. Şar kotî de yo rojname zî uca de ro.’ Olçenî veng da her kesî ke 15'ê Tebaxe de tewrê bimbarek kerdena rojnama bibê.Vila kerdoxe rojnama Ercan Yeltaş zî aşkere kerd ke ê seatanê sodir ra tepiya dest bi vila kerdena rojname kenê û aşkere kerd ke eleqeyekê gird yhe şarî esto.
Wentoxê Azadiya Welat Neşet Kara zî vano ‘Azadiya Welat bîyayenê ma, hîs, çim û vengê ma wo. Wendoxê bîn yê rojname Nêçîrvan Esmer kî wendoxe kişkek yê rojnama kurdî yo û vano Azadiya Welat vengê welatê ma wo.
DÎHA/AMED